مشاهدة النسخة كاملة : هل تعتقد أن حكومة العطري اللاحقة و السابقة قد حسنتا حياة السوريين؟
ان مجرد طرح
أرسل من قبل باسل عبد الكريم (غير مختبر) في الخميس, 2007-05-17 22:29.
ان مجرد طرح هكذا سؤال هوا اذا تشكيك فيما قدمتة هذه الحكومة عندما اترك الحرية لعقلي بالجواب على هذا السؤال فهوا يبحث ويراجع بسرعة اهم العناوين التي انجزتها هذة الحكومة وسرعان ما يرتسم الجواب في رأسي دون عناء كبير فالصورة واضحة جدا والحقيقة غير غائبة عن احد,, كل ما استطاعت هذة الحكومة ان تقدمة للشعبها هوا انها اعطتنا من الجمل اذنو,, حتما اذا علمت الحكومة بأن هذا هوا رأي 58% من شعبها بها فأنها ستنتحب البكاء على تعبها وسهرها في تحقيق مطالب المواطنين,, نقول لها نعم فعلتي ولكن عجزت عن تحقيق ما نطمح الية في بلدنا عجزت عن تقديم ابسط ما يحلم به اي مواطن عادي بل وعلى العكس زتي من الطين بلي فالصعوبات والمشكلات زادتت وتسطيعوا احصائها من خلال: 1_ مشكلات السكن التي تؤدي بدورها الى تفاقم مشكلة الزواج عند الشباب 2_ الاسعار الكاوية مقارنة الى دخل الفرد السوري فقد بات المواطن السوري من ضمن عجائب الدنيا فمن الغريب جدا قدرتة على تدبر الامور واستمراريتة في الحياة معجزة 3_ ايضا لا ننسى طبعا كان احدا معجزات حكومتنا الرشيدة اصرارها على ان يكون المواطن السوري مواطنا مرفها فقامت بتصنيع سيارات باسعار جدا جدا جدا جدا منافسة.!!!! 4_ الفوارق الطبقية التي ظهرت بشكل واضح واكبر بين طبقتين وحيدتين هي الغنية والفقيرة وعينك ما تشوف التانية كيف عايشي.!! حاصل الحكي وبالمشرمحي ملينا وعوووود وكذبِ
حكومة العطري ؟؟؟!!!!
يعني متل حكومة السنيورة
بعتقد نحن حكومة الشعب السّوري ,,, و بنبدأ وحدة وحدة ,
1- مشكلات السكن : من عدّة سنوات بدأت مشاريع سكنية لا بأس بها هي السّكن الشّبابي ,, ولم تكن بالقرعة بل لكل من سجّل بها ,, والتّسجيل لم يكن بأسعار خيالية بل بأسعار جدّا مقبولة .
2- ارتفاع الأسعار : بالنّسبة لرواتب الموظّفين ازدادت حتّى النّصف تقريباً ,, فبديهي أن ترتفع الأسعار فزيادة الرّواتب تؤدي إلى زيادة الطلب عن العرض ,, وبالتالي ارتفاع الأسعار وزيادة الإنتاج و توظيف أيدي عاملة جديدة و و و و ,
3- فخر كبير لنا أن نقوم بتصنيع سيارات تحمل اسم بلادنا ( شام) , وأمر جيّد أن نشتريها بأقساط وأسعار مناسبة مقارنة مع الشيري والللدا وحتى المازدا3 و و و و و
4- ظهور فوارق طبقية؟؟؟ ومتى لم تكن هذه الفوارق موجودة , أعتقد وجود خطأ واضح لقد قلّت بشكل واضح وملحوظ هذه الفوارق . فمنذ 60 سنة كانت الفوارق واضحة بين التاجر وغير التاجر بين الاقطاعي وغيره بين الرّأسمالي وغيره
هل تجد هذا الآن ؟؟
شكرا لك اخ علي وانت قلت الزبدة في اخر جملة لك ملينا وعود وكذب وكل المشاكل الموجودة بسوريا ماراح تنحل الا اذا صار القانون فوق الجميع، وقضينا على المحسوبيات والواسطات والرشاوي والمشكلة الكبرى انه بسوريا صار الحرامي مرغوب والشريف منبوذ ، وهي كلمة واحدة عندما يضيع الحق والعدل يضيع كل شي وهذا واقع سوريا. اما بالنسبة للمشاكل المطروحة:
1- السكن الشبابي : كذبة كبرى معقول الواحد يسجل على سكن يطلع بعد عشر سنين ،وخذ على سبيل المثال انه من فترة سمعت عن سكن شبابي مساحة البيت 85 م (قن دجاج) والمنطقة الي اختاروها صحراء قاحلة وثمن البيت 850 الف تدفع عشرة بالمية مقدما ويقسط باقي المبلغ على 20 سنة وهذا كل لعدد محدد جدا وانت عارف انك ماراح تحصل على قن هل الجاج الا الي عنده واسطة. واسعار العقار الخيالية يعني متوسط سعر بيت متواضع مليون ونص ومتوسط دخل الموظف لو فرضنا 10 الاف بمعنى انه الموظف يحتاج ل12.5 ونص لا ياكل ولايشرب فيهم حتى يوفر هل المبلغ بعد 12.5 وطبعا الاسعار راح تكون ارتفعت فايمتى هل المسكين راح يتجوز ويشتري غراض بيت والخ.......ومن يقول بالسكن الشبابي اساله كم نسبة الشباب الذي حصلوا او سيحصلوا على سكن شبابي والجواب هو ما يتعدى 1% بالمية طيب وين راح يروح 99% الباقيين !!!!
2- ارتفاع الاسعار: فكل شي غالي في سوريا الا المواطن رخيص
3- مصانع السيارات ربما هي خطوة جيدة على الرغم من انه السيارة عبارة عن تجميع وشد براغي مو اكثر والمطلوب انشاء مصانع للصلب والحديد والاهتمام بتصنيع اجزاء السيارة داخل سوريا مو شد براغيها بس. ومن طرف اخر المشكلة ماراح تنحل بهيك فمطلوب طرقات تستوعب هل السيارات فطرقات سوريا لعدد السيارات الذي كان في الثمانينات وليس في ال 2007. فالاهتمام دائما يجب ان يتركز على البنية التحتية من جسور وطرقات وغيرها.
4- الفوارق الطبقية عندما تموت العدالة وياكل القوي الضعيف ويصبح المرتشي والحرامي باشا ويضرب له سلام وعندما يكون النزيه متخلف وغير مرغوب فيه فشي طبيعي راح تنشا طبقة للحيتان وتحتوي النصابين والحراميه الكبار وطبقة الدراويش.
مرحبه ارال .. تحية عطرة وبعد
بالنسبة....
1- مشكلات السكن : من عدّة سنوات بدأت مشاريع سكنية لا بأس بها هي السّكن الشّبابي ,, ولم تكن بالقرعة بل لكل من سجّل بها ,, والتّسجيل لم يكن بأسعار خيالية بل بأسعار جدّا مقبولة .
بالنسبة للتسجيل فكان بالبداية ممتاز ولكن بعد فترة قصيرة صار اللي بيقدر يأمن سكن شبابي بيكون ملك زمانو..... هي طبعا حسب ما رفقاتي جربو .
2- ارتفاع الأسعار : بالنّسبة لرواتب الموظّفين ازدادت حتّى النّصف تقريباً ,, فبديهي أن ترتفع الأسعار فزيادة الرّواتب تؤدي إلى زيادة الطلب عن العرض ,, وبالتالي ارتفاع الأسعار وزيادة الإنتاج و توظيف أيدي عاملة جديدة و و و و ,
الاسعار كانت مرتفعة على الطبقه العاملة .. اليوم الموظف عايش عيشة احسن من عامل في اي معمل ..
فبتالي ارتفاع الاسعار لم يظلم الموظفين امام العامل العادي يعني العامل متبهدل خلقه وتجيه زيادة اسعار
علما ان زيادة الرواتب ممكن ان تشمل القطاع العام وربما بعض القطاع الخاص
king
كلامك معقول ... فيه شيئا من الواقع.. على عكس ما تقول ارال
تحياتي
أخ علي , إذا شايف الوضع مظلم , ففي حكمة بتقول : أن تضيء شمعة خيرٌ من أن تلعن الظّلام .
والفقر موجود من وجود البشر على الأرض , ولولا هيك ما كان في داعي للزكاة , على سبيل المثال .
وبيكفي أنّو نحن عايشين عيشة معتدلة والحمدلله ..
برجع بقول لكل مين بيحب بلده و أهله :
( أن تضيء شمعة خير من أن تلعن الظّلام ).سلامي للجميع مع خالص الود
ارال.
ارال انا معك لو انه عارفين البلد فقير وهي حدود امكانياته فيكون ساعتها لاحول ولاقوة الا بالله
بس لما تعرفي انه البلد فيها خيرات كتيرة وفيها اموال كتيرة ولكنها ضائعة هون الطامة الكبرى
فسوريا لاينقصها شي من الزراعة الى الصناعة الى التجارة الى النفط والثروات الباطنية ولكن للاسف
في قلة تستفيد من الخيرات وبقية الشعب تعبان .
وانا معك انا تضي شمعة خير من ان تلعن الظلام ولكن لما مايكون بايدك تعمل شي شو بدك تعملي .
وانا وعلي دافعنا لكتابة هل الشي هو الخوف على بلدنا العزيز سوريا وبيان السلبيات ومحاولة حلها خير من
السكوت على الاخطاء والرضا بالواقع لانه النقد البناء هو الي يودي لتصحيح الاخطاء اما المجاملة والشعارات
ماراح تعمل شي بالعكس راح ترجعنا لورا.
تقبلوا تحياتي
صح كلامك اخي الكريم وهاذا ما اردت توضيحه
مشكور عزيزي
باسل اليحيى
09-09-2007, 08:57 PM
هههههههههههههههههههههههههههههههههههههههههه
حلوة السياسة لعبة كبيرة
لك كلو ازفت من بعضو اي عطري واي بطيخ
تعو شوفو الشباب بالغربة وبتعرفو شو معنى حكومات وزفت
ال حكومة ال
ليش نحنا نغترب وولاد الكلاب المسؤلين
عايشين بالبلد وكانها الون بس
اسف لكلامي السوقي
بس هاد لي وجواتي
taegr
10-28-2007, 12:26 AM
يا حبيبي انو شو صار بالبلد غير من سوء لسوء بدي اطلب من الحكومة شي وهو ببين اذا عملت شي ولا لا عملي احصائية كم سوري من الشباب بيهاجر باليوم لبرى ومنو بتعرفي اذا منيحة ولا لا
just 4 me
02-20-2008, 08:05 AM
اولا يسلموا علي ع الطرح
ثانيا المشكلة ليست بالحكومه حبيبي
المشكله بهالشعب اللي شو ماعملت الحكومة بدو يدور ع المشاكل شو ماصار
ونحن الشعب العربي دائما ننظر للنصف الفارغ من الكأس
والمشاكل التي قمت بطرحها كلها سببها ليست الحكومه ولكن تجارنا العظماء
فعدد المباني الفارغة اكثر من عدد الممتلئة منها وذلك بسبب الأرقام الفلكيه للتجار
و...
لا أريد أن اطيل أكثر من ذلك
وأرجو من الكل النظر إلى النصف لممتلئ
سلام
شامية آدمية
02-20-2008, 08:14 AM
ان مجرد طرح
اعطتنا من الجمل اذنو,,
والله أخي علي ما عطتنا لا هالحكومة
ولا الحكومات يللي أبلها
شعرة من إدن الجمل!
just 4 me
02-20-2008, 10:38 PM
يا جماعه تفائلوا بالخير تجدوه
وحاج تحملوا كل شي ع الحكومات
لأنو مو الحق عليهم هم عم يشتغلوا بس نحن اللي ما بيعجبنا العجب
وطبعا نحن بس منتفرج وبنحكي بس ما بنعمل شي
مع احترامي لكل الأراء
سلام
yassar
05-15-2008, 11:40 AM
صراحه يا اخ علي الموضضوع مهم وشيق وجميل اللي فتح اما انا عندي راي اذا ممكن وكلمتين معلقين بحلقي وبدي بق هالبحصه بقى بعد اذن الاخوة في المنتدى:
الشعب مل وطفش ووصلت للحلق من هالحكومات المتعاقبه بس خلينا نحكي الصراحه المشكله مو بالحكومات االمشكله بالوضع السياسي العام بالبلد طول ما انه في عنا محسوبيه ووواسطه البلد ما رح يعمر وطول ما في خيار وفقوس بالبلد معنها (تيتي تيتي متل ما رحتي متل ما جيتي) ما في فايده يا اخي الواحد مل , لو البلد ما فيه خير منقول والله الله غالب بس كل هالخيرات والشعب جوعان حرام ,ثروات عم تسرق وتتهرب لبرة من زمرة من المسؤوليين الكبار اللي ماسكين البلد ممكن حدا يقوللي كم دفعت شركات شبكات الجوال اللي بالبلد ( سيريا تيل وامثالها ) واللي نحنا عارفين هيه لمين ممكن حدا يقللي كم دفعت لخزينة الدوله لقاء تاخد رخصة الجوال رح تتفاجئو يا جماعه بلاش ولا ليرة واحده وفي حين انه شبكة فودا فون لوحدها دفعت لخزينة الدولة بمصر 7 مليار جنيه حتى اخد ت التصريح وهيه شبكه من خمس شبكات عامله بمصر وكلهم دفعو لخزينة الدوله لقاء الترخيص حتى بجيبوتي شركة الجوال ما اخدت تصريح لدفغت لخزينة الدوله . ولا بدنا نحكي عن وكالات السيارات ولا الكومبيوترات ولا ولا ولا الخ الخ ما بكفي سرقو ميزانيات المصانع والمشاريع وشركات الدوله لا صارو يستولو على اراضي ملك للدوله ويعملوها ملك خاص الهم والا شو بتبررو وجود مزارع ومصانع بطول وعرض القطر هيدي للمعلم فلان وهيدي للمعلم فلان يا اخي مللينا وطفشنا ولا يفكرو انه الشعب مو شايف شي الشعب شايف ورح يجي يوم يخلصهم املاكهم ويرجع كل حقه والامل بعد الله بالرئيس بشار اللي منتمنا يخلصنا منهم نحنا عارفين انه في مهم ناس غاليين عليه بس البلد اهم يا سيادة الرئيس من خالي وعمي والله يقويك ويعينك وتخلصنا من هالسرطان المستشري بجسم بالبد لاه يا سيادة الرئيس اذا ما صار هالشي رح يجي يوم ما نلاقي لقمة الخبز وهون بتذكر كلمة الفاروق عمر رضي الله عنه ( عجبا لمن لا يجد قوت يومه كيف لا يخرج بسيفه ) والحدق يفهم والسلام .