مشاهدة النسخة كاملة : عضو في مطبخ...
فرح الحلوة
03-01-2009, 09:25 PM
السلام عليكم ورحمة الله وبركاته
مرحبا بالجميع في مطبخ أصدقاء سوريا
http://www8.0zz0.com/2009/03/01/21/465976814.jpg
الكل معزوم على أكلات من إبداع عضوات وأعضاء أصدقاء سوريا
بدنا اكلات بتشهي ها
http://www8.0zz0.com/2009/03/01/21/730997513.jpeg
موضوعنا اسمه
( عضو في مطبخ )
يعني بنعزم أنفسنا في مطبخ احد الاعضاء
ونخليه يطبخ لنا اي طبخه يعرف يعملهاا حتى لو شاي المهم يعمل لنا شيء
http://www8.0zz0.com/2009/03/01/21/819771302.gif
ومن هالموضوع بنطلع مواهبكم في الطبخ
اللعبة في معظم المنتديات فحبيت تكون موجودة في بمنتدانا
والذي سنخرج منه الابداع ..! خخخخخخ
ونفجر فيه الطاقات المدفونة .., ههههه
ونملئ به البطون والعيون ..,, اهم شي ونتعرف عليكم عن قريب أكتر..
ونورطكم اكتر واكتر ونخرج عن الروتين
http://www8.0zz0.com/2009/03/01/21/954792349.jpeg
لذلك أريد منكم الهمة العالية للمطبخ
اللعبة عامة
للشباب والصبايا مشرفين واداريين واعضاء
والكل يا معزوم يا عازم
قوانين اللعبة:
1..ان نختار عضو معين ونطلب منه الدخول للمطبخ وعمل اي طبخة او كاسة عصير..
2..نمهله فرصة يومين فقط ابتداء من ترشيحه لانهاء الطبخة
3..شرط كتابة المقادير والطريقة
$..يختار العضو اللي يختر عباله يطبخ بعده
انا برأيي نستضيف رمانة معنا وهيي أول وحدة تكون شو رأيكم..؟؟
::
::
بندخل مطبخ العضوه
اختارو شي عضو او عضوة يطبخ
ونحنا جاهزين للأكل
شكرا لكم
فــــــ الحلوة ــــــــــــرح
NighTaNgeL
03-01-2009, 09:53 PM
لعبة كتير حلوة
و بتعرف الاعضاءعلى مطابخ بعض .
بس اكيد اللعبة للنسوان بس
يعني انا اكتر من بيض مقلي ما بعرف اطبخ
مشكورة فرح عالتميز و الحماس
دمتي بكل الود و الاحترام
بانتظار اكلاتك رمانة ...
Rmane
03-01-2009, 09:55 PM
انااااااااااااااااااااااااااااااااااااااا
الله يسامحك يا فرح... اي انا بيض ما بعرف اقلي........
بس عالعموم مشكورة.... و منشوف اذا الاعضاء بيقبلو طبخاتي الخربانة.....
أبو البيش
03-02-2009, 03:37 AM
وأنا بصوت لرمانة كمان
وسنكيو جدا فرح على هالإبداع ..
#sara#
03-02-2009, 06:27 AM
يلا رمانه
ناااااااااااطرين ابداعاتك يا اميره
إ شو ما بتعرفي تقلي بيض!
لك انتي اشطر من الشيف رمزي
يلا شدي الهمه
يموووووووووووووووووووووووووووووو
هي احسن لعبة يموووووووووووو اديش بدنا ناكل يايوم
شكراً فرح على اللعبة الظريفة وانا بصوت ل....
رمانة ...
المغربية
03-02-2009, 08:18 AM
والله فكرة كثييرة حلوة ومميزة ..مشكورة اختي الكريمة فرح على الموضوع
وانا كمان راح ضم صوتي ل ألكم واصوت ل رمانة المشاغبة
يلا اختي عم نستنى شو راح يطلع النا من تحت ايدك
:)
cute girl
03-02-2009, 12:07 PM
هههههههههه والله فكرة كتييييييير حلوووة
وانا بصووووت لرمااانة مشان نشوف ابداعها بالطبخ
يسلموووو فرح الحلوة عالفكرة الحلوة
Baby angel
03-02-2009, 12:27 PM
هههههههه اووه شو هالافكار الحلوة
ورمانة الشيف تبعنا لهاليومين
لكن كل واحد يكون آكل ببيتو وبعدين يجي مشان ما تموتو من الجوع ههههه
لا ولو اكيد رمانة رح تعملنا اشهى الاكلات
بانتظارك شيف رمانة
وشكرا كتير فرح الحلوة عالموضوع الحلو متلك
فرح الحلوة
03-02-2009, 03:05 PM
لعبة كتير حلوة
و بتعرف الاعضاءعلى مطابخ بعض .
بس اكيد اللعبة للنسوان بس
يعني انا اكتر من بيض مقلي ما بعرف اطبخ
مشكورة فرح عالتميز و الحماس
دمتي بكل الود و الاحترام
بانتظار اكلاتك رمانة ...
كل الشكر الك اخي كرم
او ان شاء تعجبك اكلات رمانة الخربانة على قولتها
بس مهما كانت الطبخة اكيد رح تعجب الاعضاء
او نحنا ناطرينك يا رمانة الكل متلهف للطبخة
فرح الحلوة
03-02-2009, 03:10 PM
انااااااااااااااااااااااااااااااااااااااا
الله يسامحك يا فرح... اي انا بيض ما بعرف اقلي........
بس عالعموم مشكورة.... و منشوف اذا الاعضاء بيقبلو طبخاتي الخربانة.....
هههههههههههه
الله يسامح الجميع
بس انا اخترتك الك لانه حبيتك او حبيت مشاغباتك الحلوة
بس لاتزعلي مني امانة عليكي
شكرا الك او شكرا على مرورك
بس لاتنسي الطبخة لانه الكل ناطر طبختك
دمتي بخير مع كل ودي واحترامي الك اختي رمانة
مشكورة كتير اختي فرح
لعبة حلوة كتير كتير
بنتعلم كم وصفة
رمانة عب ننتظر وصفاتك المميزة
مشكورة على اهتمامك
دمتي بكل الود والاحترام
فرح الحلوة
03-02-2009, 03:12 PM
وأنا بصوت لرمانة كمان
وسنكيو جدا فرح على هالإبداع ..
ابوالبيش
شكرا كتير بس العين مابتعلى عن الحاجب
انت ابو البيش ابو الابداع والتميز
شكرا على مرورك اللطيف
دمت بخير
فرح الحلوة
03-02-2009, 03:14 PM
يلا رمانه
ناااااااااااطرين ابداعاتك يا اميره
إ شو ما بتعرفي تقلي بيض!
لك انتي اشطر من الشيف رمزي
يلا شدي الهمه
اختي زارا
مشكورة على مرورك
هي بتعرف تطبخ بس خجلانة ليش مابعرف
رمانة لاتخجلي شو ماكانت الاكلة اكيد رح تعجبنا
صح ولا انا غلطانة
مشكورة على مرورك .. او عقبال عندك ههههههه
دمتي بخير
فرح الحلوة
03-02-2009, 03:17 PM
يموووووووووووووووووووووووووووووو
هي احسن لعبة يموووووووووووو اديش بدنا ناكل يايوم
شكراً فرح على اللعبة الظريفة وانا بصوت ل....
رمانة ...
ههههههههههههههههه
على راسي الحلبية والله
بس هي يمووووووو اغنية لغوار
يامو ياست الحبايب ياموووو
هههههههههه
اهلا فيك اخي ليث مشكور على مرورك اللطيف
او عقبال عندك انت كمان ..ههههههههه
دمت بخير
فرح الحلوة
03-02-2009, 03:19 PM
والله فكرة كثييرة حلوة ومميزة ..مشكورة اختي الكريمة فرح على الموضوع
وانا كمان راح ضم صوتي ل ألكم واصوت ل رمانة المشاغبة
يلا اختي عم نستنى شو راح يطلع النا من تحت ايدك
:)
اختي المغربية شكرا على مرورك والله خجلتيني
دمتي بخير مع كل احترامي الك وتقديري الك وشكرا الك على تثبيتك للموضوع
* منى *
03-02-2009, 06:12 PM
فكرة جميله جدا ... لنتعرف ع مهارة اعضاء المنتدى بالطبخ
وطالما بلشتي بـ صديقتي رمانه معناتو طلبينا الاسعاف معك
لانو في حالة تسمم راح تصير الله يستر ...
يسلمو فرح ع الفكره ...دمتي بخير
Rmane
03-02-2009, 06:48 PM
هلأ الكل اتفق علي؟؟؟؟؟؟؟؟؟؟؟؟؟؟؟
هههههههههههههههههههه
الله يسامحكم....... و يبليكم كمان... ههههههههههه بشي ورطة طبخ......
انو فرح بس قوليلي طبخة وحدة؟؟؟؟ و لا كم وحدة؟؟؟
و كم يوم عندي صلاحية لنزل الطبخة؟؟؟ هههههههههه
و شكرااااااااااااااااااا الك عالورطة الفظيعة.... و انا ما بزعل منك ولووو.....
نرجسية
03-02-2009, 08:17 PM
فكرة حلوة كتير فرح و الاحلى انو الانطلاقة رح تكون مع رمانة
مشكورة حبيبتي
Rmane
03-03-2009, 05:16 AM
الحرّاق أصبعو..
المقادير:
1كوب عدس حب
3 بصلات كبيره
نصف حزمة كزبره خضراء
ربع كوب دبس الرمان
ملح
زيت للقلي
مقادير العجين :
1 ونصف كوب دقيق
نصف كوب ماء
ملح
ملاحظه : (( ممكن استبدال العجين بالمكرونه للسرعه ))
طريقة العمل :
1- يسلق العدس في 3 اكواب ماء وأثناء السلق يعجن العجين الى أن يصبح متماسكا وتترك قليلا ثم تفرد بالدقيق ويقطع قطع صفيره دائريه بقطر 2 سم تقريبا
2- يقطع البصل الى شرائح ويحمر جيدا بالزيت حتى يصبح لونه ذهبي ثم يضاف نصف مقدار البصل الى العدس ويضاف ثلاثة ارباع عدد القطع من العجين ويترك الباقي للزينه
3- يضاف دبس الرمان ويترك العجين مع العدس لمدة عشر دقائق تقريبا وفي نفس الوقت تحمر باقي القطع من العجين وتوضع جانبا
4- يسكب العدس بعد نضجه في طبق عميق وتفرم الكزبره الخضراء وتحمر بالزيت ثم تضاف مع البصل المحمر سابقا على وجه الطبق ويزين ايضا بباقي العجين المحمر ويقدم ساخنا .
وصحتين وعافيه،،،
يعني أنا بحسها اكلة خرفانة......... بس ما حدا قلكم تورطوني.... هههههههههههههه
ع فكرة هي اكلة شامية بحت.....
و مشهورة جدااااا بالشام....
فروحة... اذا بدكم كمان طبخة الشيف رمانة جااااهزة.........
#sara#
03-03-2009, 08:40 AM
يا سلااااااااااااااااااااااااااااااااااااااااااااام
اثبتي جدارتك رمانه
لك يسلم هالايدين ربي
شو كتير لزيز
وعقبال ما ادوقا من ايديكي خخخخ
المغربية
03-03-2009, 12:16 PM
طلعتي ماهرة بالطبخ اختي العزيزة ...شفتي ناقص بس شوية ارادة :)
تسلمي اختي وشكرا جزيلا لك
موفقة
فرح الحلوة
03-03-2009, 05:21 PM
الحرّاق أصبعو..
المقادير:
1كوب عدس حب
3 بصلات كبيره
نصف حزمة كزبره خضراء
ربع كوب دبس الرمان
ملح
زيت للقلي
مقادير العجين :
1 ونصف كوب دقيق
نصف كوب ماء
ملح
ملاحظه : (( ممكن استبدال العجين بالمكرونه للسرعه ))
طريقة العمل :
1- يسلق العدس في 3 اكواب ماء وأثناء السلق يعجن العجين الى أن يصبح متماسكا وتترك قليلا ثم تفرد بالدقيق ويقطع قطع صفيره دائريه بقطر 2 سم تقريبا
2- يقطع البصل الى شرائح ويحمر جيدا بالزيت حتى يصبح لونه ذهبي ثم يضاف نصف مقدار البصل الى العدس ويضاف ثلاثة ارباع عدد القطع من العجين ويترك الباقي للزينه
3- يضاف دبس الرمان ويترك العجين مع العدس لمدة عشر دقائق تقريبا وفي نفس الوقت تحمر باقي القطع من العجين وتوضع جانبا
4- يسكب العدس بعد نضجه في طبق عميق وتفرم الكزبره الخضراء وتحمر بالزيت ثم تضاف مع البصل المحمر سابقا على وجه الطبق ويزين ايضا بباقي العجين المحمر ويقدم ساخنا .
وصحتين وعافيه،،،
يعني أنا بحسها اكلة خرفانة......... بس ما حدا قلكم تورطوني.... هههههههههههههه
ع فكرة هي اكلة شامية بحت.....
و مشهورة جدااااا بالشام....
فروحة... اذا بدكم كمان طبخة الشيف رمانة جااااهزة.........
شكرا رمانة على الطبخة الطيبة والاكل الحلو من تحت ايديكي يا حلوة
فعلا طلعتي قدها لم اخترتك ماشاء الله عليكي
*****************
وهلأ بدي اختار أبوالبيش يعمل طبق حلو لانو رمانة عملت الاكل وانت عليك طبق الحلو يلا ابوالبيش
دور الصبايا خلص وهلأ دور الشباب بطبق الحلو وانا اخترت أبوالبيش
يلا ابوالبيش لانو بدنا نشوف مين أشطر الصبايا ولا الشباب
ابوووووووو البيش نحنا بانتظارك
مين معي على انه ابوالبيش يعملنا طبق الحلو يرفع ايده
أبو البيش
03-03-2009, 06:06 PM
إنه أبداع مميز من رمانة
وطبخة حراق أصبعته رح ناكل أصبابيعنا من وراها
سنكيو رمانة ..
نرجسية
03-03-2009, 06:28 PM
تسلمي رمانة ع الطبخة
سلمت دياتك حبيبتي
وصفة حلوة ومن ايديكي طلعت احلى
وبالنسبة انو يفوت بشير ع المطبخ يعني ههههههه ان شاء الله ما يكون في خسائر
الله يستر بس
مرسي فرح على الفكرة المميزة
Rmane
03-03-2009, 10:14 PM
تسلمووووووووو يارب..
و صحتين و هنا....
هههههههههههه
انو لة عرفانة الحلو من صنع بشير من زماااااااااااااااااااااااااااااان نزلت الطبخة...
هههههههههه
اكيييد انا مع ابو البيش انو يطبخلنا...
أبو البيش
03-04-2009, 01:30 AM
وبالنسبة انو يفوت بشير ع المطبخ يعني ههههههه ان شاء الله ما يكون في خسائر
الله يستر بس
مرسي فرح على الفكرة المميزة
لاااااااااااااا
من هلأ بلشت المؤامرت علي لأحباط معنوياتي :eek:
على العموم رح تندهشوا من التخبيص اللي رح يطلع ..
بقصد من الطبخ اللي رح تشوفوه ..:)
شكرا نرجسية ..
أبو البيش
03-04-2009, 01:32 AM
وهلأ بدي اختار [color="black"][size="7"]أبوالبيش يعمل طبق حلو لانو رمانة عملت الاكل وانت عليك طبق الحلو يلا ابوالبيش
دور الصبايا خلص وهلأ دور الشباب بطبق الحلو وانا اخترت أبوالبيش
يلا ابوالبيش لانو بدنا نشوف مين أشطر الصبايا ولا الشباب
ابوووووووو البيش نحنا بانتظارك
مين معي على انه ابوالبيش يعملنا طبق الحلو يرفع ايده
إي شو هالشغلة العظيمة يعني
ما بتفرق عندي أصلن أنا ..
ورح تشوفوي طبخة تكرهي بعدها الحلو طول عمرك يا فرح
ههههههههه
أبو البيش
03-04-2009, 01:36 AM
تسلمووووووووو يارب..
و صحتين و هنا....
هههههههههههه
انو لو عرفانة الحلو من صنع بشير من زماااااااااااااااااااااااااااااان نزلت الطبخة...
هههههههههه
اكيييد انا مع ابو البيش انو يطبخلنا...
لو عرفتي الحلو اللي رح يصنعه بشير كنت تحليتي بشوكولا عمار
هههههههههههه
شكرن رمانة وراجعلكم قريبا جدا مع طبخة غير شكل ..
NighTaNgeL
03-04-2009, 03:07 AM
شو هاد .. ما منرضى لندوق,.,, ايووووا
حاسس انو في غش لانو ..
لذلك من اليوم و رايح كل واحد بدو يعمل طبخة لازم يعزم المنتدى كلو لعندو و يطبخا ادامو ..
ههههههههههههههههههههههه
بس ما يجي دوري ..ولييي
مشكورة رمانة عالطبخة الحلوة اللي كتير بحبا ..
و طلعتي شاطرة بشغلة غير الشر ...ههههه
و بانتظار طباختنا المميزة بشبوشة
خخخخخ
المغربية
03-04-2009, 09:07 AM
ونعم الاختيار ما اخترت اختي الكريمة فرح .
نحن في الانتظار اخي الكريم ابو البيش ..واكيد راح يكون طبق الحلو كثيير مميز .
لانو مثل ما بيعرف الجميع أن المطبخ الحلبي غني جدا بتراثه .
مشكوورة اختي فرح على فكرة الموضوع القيمة .
* منى *
03-04-2009, 12:31 PM
يسلمو ايديكي رمانه ع الطبخه ...بس ليش ماكان عندي خبر انك تعرفي تعملي شيء غير الشاي قبل هلا :rolleyes:
وناطرين ابو البيش اكيد مع طبق الحلو يلي بدو يعملو
شكرا فرح ع الفكرة والاختيارات
حمصية وافتخر
03-04-2009, 06:25 PM
مبدعة كتير يافرح بهيك موضوع حلو كتير شكرا إلك ع الفكرة
أما بالنسبة للحرق إصبعو فياسلام ع هالطبق الشامي ياراما سلم دياتك طلعتي قد الورطة :)
وأكيد هلأ عم نستنى طبق الحلو منك يا أبو البيش وإن شاء الله مابيكون في إصابات
بشرية بعد هالأكلة :eek:
عموما جهزوا سيارة الإسعاف ياجماعة يمكن تلزم والله
lolya
03-04-2009, 07:17 PM
شكرا فرح على موضوعك المميز ..
رمانة فكرت أني رح شوف طبق بيض مقلي مرتب من شغل ايدك مو حراق باصبعو...لكن خيبتي ظني;)..ههههه
الله يسلم دياتك... وطلعتي قد الورطة..
وبانتظار أبو البيش ليفيدنا بطبق حلو حلبي...والله يستر مانندم على تورطيتو...
لكن بعتقد المستشفيات رح تشتغل شويونة بعد أكلة الحلو اللي رح يحضرها :rolleyes::rolleyes:..
فرح الحلوة
03-04-2009, 09:07 PM
كل الشكر الكم على مروركم الجميل
دمتو بخير
ابوالبيش الاصدقاء جوعانين او ناطرينك ....
انا واثقة انك رح تعمل طبق حلو طيب او لذيذ
وشكرا الك
البرنس مؤيد
03-04-2009, 09:44 PM
شكراااااا الك فرح على هذه الفكرة الحلوة اما انو فوق ما انا مغترب ومشتهي شو طبخة ( شيخ المحشي -ششبرك- كبة- يالنجي ----------) مو الاقي قدامي حراق باصبعو هههههههههه
cute girl
03-04-2009, 11:24 PM
يسلمووو كتير رمااااانة عالطريقة
والله أنا كتييييير بحب هالأكلة
وهلأ عم نستنى أبو البيش وان شااء الله تطللع أكلة طيبة
أبو البيش
03-05-2009, 12:02 AM
شو هاد .. ما منرضى لندوق,.,, ايووووا
حاسس انو في غش لانو ..
لذلك من اليوم و رايح كل واحد بدو يعمل طبخة لازم يعزم المنتدى كلو لعندو و يطبخا ادامو ..
ههههههههههههههههههههههه
بس ما يجي دوري ..ولييي
مشكورة رمانة عالطبخة الحلوة اللي كتير بحبا ..
و طلعتي شاطرة بشغلة غير الشر ...ههههه
و بانتظار طباختنا المميزة بشبوشة
خخخخخ
إي أنت أصلا هاد اللي شاطر فيه
تنعزم وتاكل
لك مو تكرم عيونك يا قلبي وروحي وعمري إنت
بس وحياة عينك يوم طبختك بدي جيب كل رفقاتي والبالغ عددهم 500 ألف نسمة
هههههههههههههههه
أبو البيش
03-05-2009, 12:05 AM
ونعم الاختيار ما اخترت اختي الكريمة فرح .
نحن في الانتظار اخي الكريم ابو البيش ..واكيد راح يكون طبق الحلو كثيير مميز .
لانو مثل ما بيعرف الجميع أن المطبخ الحلبي غني جدا بتراثه .
مشكوورة اختي فرح على فكرة الموضوع القيمة .
شكرا لمديحك أختي مغربية
بس لعلمك أنا حلبي الجنسية فقط
يعني للمطبخ الحلبي ما عندي إي إنتماء إلا وقت الأكل
ههههههه
على كل حال لازم يكون في مساعدة من حدا
والطبخة بكرة إن شاء الله بتكون موجودة ..
نورتي بردك
يسلمو ايديكي رمانه ع الطبخه ...بس ليش ماكان عندي خبر انك تعرفي تعملي شيء غير الشاي قبل هلا :rolleyes:
وناطرين ابو البيش اكيد مع طبق الحلو يلي بدو يعملو
شكرا فرح ع الفكرة والاختيارات
راجع بطبق كتير مرتب
رح تنسوا الحراق بإصبعته من خلاله
رح سميه حراق مطبخه ههههههههههههههه
فرح الحلوة
03-05-2009, 12:29 AM
يييييييييييييي
والله انا حاسة انه طبختك رح تدخل بكتاب غينس للارقام القياسية ... او الله يستر شو محضرلنا
أبو البيش
03-05-2009, 12:31 AM
يسلمو ايديكي رمانه ع الطبخه ...بس ليش ماكان عندي خبر انك تعرفي تعملي شيء غير الشاي قبل هلا :rolleyes:
وناطرين ابو البيش اكيد مع طبق الحلو يلي بدو يعملو
شكرا فرح ع الفكرة والاختيارات
رح إدخل التاريخ من أوسع أبوابه
ويمكن آخد جائزة نوبل في الكيمياء يا منى
من كتر المكونات اللي رح تشوفيها بهالطبخة هههههههه
أبو البيش
03-05-2009, 12:36 AM
وبانتظار أبو البيش ليفيدنا بطبق حلو حلبي...والله يستر مانندم على تورطيتو...
لكن بعتقد المستشفيات رح تشتغل شويونة بعد أكلة الحلو اللي رح يحضرها :rolleyes::rolleyes:..
وأكيد هلأ عم نستنى طبق الحلو منك يا أبو البيش وإن شاء الله مابيكون في إصابات
بشرية بعد هالأكلة :eek:
عموما جهزوا سيارة الإسعاف ياجماعة يمكن تلزم والله
ما بعرف ليش بحس الكل بيغاروا مني ومن إبداعي
لذلك الردود كلها فايتة بالحيط :eek:
على العموم بكرة بس تشوفوا الحلو رح تقولوا يا ريت ما حكينا هيك هههههههه
وشكرن جدن جدن لوليا ونورا على المرور الغالي والرد المتآمر ..
أبو البيش
03-05-2009, 12:40 AM
يسلمووو كتير رمااااانة عالطريقة
والله أنا كتييييير بحب هالأكلة
وهلأ عم نستنى أبو البيش وان شااء الله تطللع أكلة طيبة
هلا كيوت
صدقيني بعد طبخة الحلو رح تتمني إنك بعمرك ما سجلتي بالمنتدى
هههههههههه
لألأ اكيد مزح ..
cute girl
04-03-2009, 01:06 AM
برأيي خلونا نكمل المووضووع
حتى لو كاااانت فرح الحلوة هيي هوميروس
يلا أبو البيش عم نستناك مع اكلتك