مشاهدة النسخة كاملة : أسئلة محرجة
cute girl
10-05-2008, 12:31 AM
هااااااااااي شباب ..
كيفكم ..
انشالله كل شي تمام
المهم .. مثل مابتحبو تحرجونا .. انا كمان حابه احرجكم ..جايبه لكم شويه اسأله خفيفه يحبها قلبكم ..وبدي منكم اجابات صرررررررررريحه ..
هناك كلمات لها نفس المعنى..فحبيبتك ..تنطبق على زوجتك .. والعكس صحيح ..وايضا خطيبتك..
فكل الالقاب لها طابع ....
طيب طيب ..يالله هذه d الاسئله..
1 _هل تمنيت في يوم ان تكون بنت ؟؟ ولماذا؟
2_ماهو رأيك في البنت اللي تلبس لبس غير محتشم؟
3_هل تجذبك البنت اللي ابوها مليونير؟او غني؟؟(بصراحه ياتماسيح هااا )
4_هل من الممكن ان تخطب فتاة ليست من بلدك؟
5_هل من الممكن ان تتزوج فتاة اكبر منك سنا؟
6_هل تفضل الزواج التقليدي ام الزواج عن حب؟
7- من تكون المراه التي تقف امامها ضعيفا؟ولماذا؟؟
8_ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟
9-عندما تكون معجب بفتاة ماهي طريقتك في الوصول لقلبها؟؟
10- ماشعورك اذا تزوجت طليقتك برجل افضل منك.؟؟
11- في احد الاماكن العامة رأيت من كانت يوما تسكن القلب .. تمسك بطفله .. كيف تكون ردة فعلك ؟؟
12_ كم مرة تنازلت عن مبادئك من اجل امرأه !! ؟
13-أذا وقع نظرك على امراه .. ماهو أول شيء يلفت انتباهك وتنظر اليه ؟؟
14- لو كانت زوجتك موظفه وانت كذلك وكلاكما ذو رواتب عاليه .. هل تنتظر منها المشاركه ؟وهل تقبلها لو بدرت منها؟ وهل تنظر لراتبهاااذا لم تبدي اي مشاركه وتطالب بذالك؟
15_ هجرتك من تحبها .. هل تبادلها الهجر ام تتودد لها حتى تنعم بوصالها مرة اخرى !!
16- كثير من الرجال يتمنون ان تكون زوجاتهم خاتم في اصبعهم هل أنت وبكل صراحة منهم؟؟
17- هل خضت يوما حربا من اجل الوصول الى قلب امراه.. وهل ظفرتِ بقلبها !!
18_ هل تبوح لزوجتك أو حبيبتك.....الخ باخطائك ..! .. وهل تغفر لك تلك الاخطاء !!
19-هل تتاسف اذا اخطات بحق زوجتك أو أختك أو......الخ؟
20- ماهي الكلمة التي تربكك من المراه !!
21- متى ترضى عن زوجتك؟ ومتى تشعر بضعفها؟
يالله شباب .. الاجوبه الصريحه..
ALESANDRO
10-05-2008, 08:52 AM
هااااااااااي شباب ..
كيفكم ..
انشالله كل شي تمام
هلااا و الله ... و ميت غلا .....
المهم .. مثل مابتحبو تحرجونا .. انا كمان حابه احرجكم ..جايبه لكم شويه اسأله خفيفه يحبها قلبكم ..وبدي منكم اجابات صرررررررررريحه ..
أنا ماني مضطر جاوب الا بالصراحة ... و السؤال اللي مابحب جاوب عنو .. رح قلك مارح جاوب ...
و بالنسبة الي لايمكن احراجي .....
و حبيت أكون أول من يرد على موضوعك .....
هناك كلمات لها نفس المعنى..فحبيبتك ..تنطبق على زوجتك .. والعكس صحيح ..وايضا خطيبتك..
فكل الالقاب لها طابع ....
طيب طيب ..يالله هذه d الاسئله..
1 _هل تمنيت في يوم ان تكون بنت ؟؟ ولماذا؟
أكيد لأ .... لأنو بحب كون أنا متل ماأنا ... يعني حتى لو كنت بنت مارح حب كون شب ....
2_ماهو رأيك في البنت اللي تلبس لبس غير محتشم؟
برأيي اللباس مابعبر عن اخلاق البنت .......
أنا ياما شايف بنات لابسين خمار و أخلاقهون زفت ....
وياما شايف بنات لابسين تنورة و أخلاقهون مافي منها ...
بس بضل اللبس المحتشم أفضل أكيد ....3_
هل تجذبك البنت اللي ابوها مليونير؟او غني؟؟(بصراحه ياتماسيح هااا )
هالشي بعود لأخلاق و طبيعة البنت .... بس عالأغلب لأ .. لأن الكثير من الأغنياء متعجرفين ...
4_هل من الممكن ان تخطب فتاة ليست من بلدك؟
ممكن طبعا .... اذا توافرت فيها ظروف الزوجة المثالية بمقياسي .. ليش لأ ؟؟؟
5_هل من الممكن ان تتزوج فتاة اكبر منك سنا؟
لأ أكيدد ...6_هل تفضل الزواج التقليدي ام الزواج عن حب؟
عن حب أكيد .. بفضل ...7-
من تكون المراه التي تقف امامها ضعيفا؟ولماذا؟؟
بعمري لم و لن أقف ضعيفا ... حتى اذا كنت ضعيفا من الداخل ...
8_ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟
بعتبر هالشي عادي اذا كانت صادقة .. و رأيي فيها هو رأيي بأخلاقها و مواصفاتها بشكل عام ....
9-عندما تكون معجب بفتاة ماهي طريقتك في الوصول لقلبها؟؟
مافي طريقة معينة .. حسب الفتاة .... عملها ... دراستها ......
10- ماشعورك اذا تزوجت طليقتك برجل افضل منك.؟؟
شعور بالسعادة ... لأن أنا أكيد رح أتزوج أفضل منها ....
11- في احد الاماكن العامة رأيت من كانت يوما تسكن القلب .. تمسك بطفله .. كيف تكون ردة فعلك ؟؟
أنظر لها نظرة عادية ... ولكن قلبي مليء بالحب لها و لطفلتها ....
12_ كم مرة تنازلت عن مبادئك من اجل امرأه !! ؟
ولا مرة ... و لن أتنازل الا لزوجة المستقبل و ضمن حدود ...
13-أذا وقع نظرك على امراه .. ماهو أول شيء يلفت انتباهك وتنظر اليه ؟؟
نظرتها و خجلها ... أحب بالمرأة خجلها ...
14- لو كانت زوجتك موظفه وانت كذلك وكلاكما ذو رواتب عاليه .. هل تنتظر منها المشاركه ؟وهل تقبلها لو بدرت منها؟
وهل تنظر لراتبهاااذا لم تبدي اي مشاركه وتطالب بذالك؟
لاأنتظر منها شيئا أبدا ... و لاأحبذ عملها أصلا ...
15_ هجرتك من تحبها .. هل تبادلها الهجر ام تتودد لها حتى تنعم بوصالها مرة اخرى !!
اللي مابدو ياني مابدي ياه ... أبادلها الهجر طبعا ...
16- كثير من الرجال يتمنون ان تكون زوجاتهم خاتم في اصبعهم هل أنت وبكل صراحة منهم؟؟
نعم أتمنى ذلك ... و لكن الا يكون على حساب شخصيتها ..
17- هل خضت يوما حربا من اجل الوصول الى قلب امراه.. وهل ظفرتِ بقلبها !!
لأ أبدا .... و لكن عندما ستكون زوجة المستقبل .. أنا جاهز لكل الحروب و المعارك .....
18_ هل تبوح لزوجتك أو حبيبتك.....الخ باخطائك ..! .. وهل تغفر لك تلك الاخطاء !!
أفضل ألا أبوح لها .... لأن الأنثى تجرح بسرعة و لاتنسى ..
19-هل تتاسف اذا اخطات بحق زوجتك أو أختك أو......الخ؟
طبعا ... الرجوع عن الخطأ بفضيلة ... و التأسف قوة و ليس ضعف ...
20- ماهي الكلمة التي تربكك من المراه !!
لم ارتبك بعد ... لاأعلم ...
21- متى ترضى عن زوجتك؟ ومتى تشعر بضعفها؟
عندما تحفظ و تصون عرضها و تهتم بزوجها و أطفالها .......... و يمكن أنا أشعر بضعفها أمام اولادها فقط ... لأن لاأحد يستطيع أن يكون قوي أمامها ... في وجودي طبعا ..
يالله شباب .. الاجوبه الصريحه..
أنا مابجاوب الا الصراحة .. و حبيت أدخل مشان كون صريح و الأسئلة طبيعية و مافيها احراج ....
شكرا كيوت عالموضوع اللطيف و الأسئلة الحلوة
NighTaNgeL
10-05-2008, 10:25 AM
و انا كمان والله من زمان مشتهي انحرج ..
الي زمان ما انحرجت من شي ...بركي على ايديكي بتفك عقدتي ..
1 _هل تمنيت في يوم ان تكون بنت ؟؟ ولماذا؟
والله و لا مرة خطرتلي .... بالعكس بعتز و بفتخر برجولتي .
2_ماهو رأيك في البنت اللي تلبس لبس غير محتشم؟
يعني هو الحكم من الشكل الظاهر مو دائما صح ..
بس هيك بنت يا اما بتكون طبيعتا و تربايتها هيك ...يا اما بتكون عم تغطي شي بشي ..او حابة تلفت نظر و بس ..
3_هل تجذبك البنت اللي ابوها مليونير؟او غني؟؟(بصراحه ياتماسيح هااا )
والله انا بتجذبني اخلاق البنت و بس ..يعني شو بدي ب ابوها و مصرياتو ..
4_هل من الممكن ان تخطب فتاة ليست من بلدك؟
والله بخطب و بجوز كمان ...يعني اساس الزواج التفاهم و الحب اذا انوجدوا باي بنت من بلدي او خارجه ..فانا جاهز
5_هل من الممكن ان تتزوج فتاة اكبر منك سنا؟
والله هاد بيعتمد على فرق السن ..
6_هل تفضل الزواج التقليدي ام الزواج عن حب؟
اكيد عن حب ...
7- من تكون المراه التي تقف امامها ضعيفا؟ولماذا؟؟
و الله لسا ما شعرت بالضعف امام اي امرأة بس يصير هيك شي ..رح قلك
_ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟
والله اذا انا بحبها و هي بتحبني ف يعني ما بيهم مين اللي بادر الى المصارحة ..
يعني شي عادي كتير ..ما رح غير نظرتي قلها بعد ما صارحتني اكيد..
9-عندما تكون معجب بفتاة ماهي طريقتك في الوصول لقلبها؟؟
والله انا من النوع اللي ما بيركد ورا البنات ..لذلك ما جربت و لاطريقة لسا ..
10- ماشعورك اذا تزوجت طليقتك برجل افضل منك.؟؟
يعني لما هي تركتني اكيد كانت عم دور على شخص احسن مني ..شي متوقع ..يعني ما رح اتمنالها الا الخير
11- في احد الاماكن العامة رأيت من كانت يوما تسكن القلب .. تمسك بطفله .. كيف تكون ردة فعلك ؟؟
ابتسامة و شعور بالفرح و السعادة لمن كنت احب...
12_ كم مرة تنازلت عن مبادئك من اجل امرأه !! ؟
ولا مرة لحد الان ..و مو مستعد لبعدين
13-أذا وقع نظرك على امراه .. ماهو أول شيء يلفت انتباهك وتنظر اليه ؟؟
لون العيون ..
14- لو كانت زوجتك موظفه وانت كذلك وكلاكما ذو رواتب عاليه .. هل تنتظر منها المشاركه ؟وهل تقبلها لو بدرت منها؟ وهل تنظر لراتبهاااذا لم تبدي اي مشاركه وتطالب بذالك؟
والله انا بظن انه انا المسؤول عن البيت ...و هي مسؤولة ترفه حالها و تعمل شي الها براتبها ..
يعني ما بتقبل فكرة المشاركة بالمصاري بين الزوجين ..
15_ هجرتك من تحبها .. هل تبادلها الهجر ام تتودد لها حتى تنعم بوصالها مرة اخرى !!
يعني مو معقول اركد ورا اللي باعني و رخص حالي الو
16- كثير من الرجال يتمنون ان تكون زوجاتهم خاتم في اصبعهم هل أنت وبكل صراحة منهم؟؟
اكيد ..بس كمان بحب يكون الها شخصيتها و كيانها الخاص ..يعني مو قمع الشغلة
17- هل خضت يوما حربا من اجل الوصول الى قلب امراه.. وهل ظفرتِ بقلبها !!
نووووو...موقع اتفاقية سلام لحد الان
18_ هل تبوح لزوجتك أو حبيبتك.....الخ باخطائك ..! .. وهل تغفر لك تلك الاخطاء !
..حسب الاخطاء ...يعني مو كل الاخطاء بتنحكا ..
19-هل تتاسف اذا اخطات بحق زوجتك أو أختك أو......الخ؟
..اللي بيغلط لازم يتحمل نتيجة غلطو .
20- ماهي الكلمة التي تربكك من المراه !!
يا ****** هههههههههههه
انه والله مافي شي محدد
21- متى ترضى عن زوجتك؟ ومتى تشعر بضعفها؟
ارضى عندما لا اجد ما ينقصني و تملأ قلبي بندى الحبي ..ماما ماما يا انغاما ....ييييييي لك هي لغير قصة
هههههههههههه
انه برضا عنها لما هي بتسعى لارضى عنها و تعمل كلشي بيريحني ...
و بشعر بضعفها ...مممممممممم والله هي بتختلف من امرأة لامرأة بس على الاغلب متل ما حكا حبيب القلب محمود ..ادام ولادها يعني شعور الامومة..
و اللي بدو يتحدى هي الحارة مين قدا..
يعني انه اذا ما انحرجت العذر مني الا طبيعي الوضع ...؟؟
ههههههههههه
مشكورة كيوت عالاسئلة البسيطة و الجميلة ..
دمتي بكل الود و الاحترام
أبو البيش
10-05-2008, 10:29 AM
هااااااااااي شباب ..
كيفكم ..
انشالله كل شي تمام
المهم .. مثل مابتحبو تحرجونا .. انا كمان حابه احرجكم ..جايبه لكم شويه اسأله خفيفه يحبها قلبكم ..وبدي منكم اجابات صرررررررررريحه ..
هناك كلمات لها نفس المعنى..فحبيبتك ..تنطبق على زوجتك .. والعكس صحيح ..وايضا خطيبتك..
فكل الالقاب لها طابع ....
أهلا كيوت المميزة ..
أنو عادي نحنا ما بهمنا أصلا ً ههههههه
وأكيد رح نجاوب وبصدق ..
.........
1 _هل تمنيت في يوم ان تكون بنت ؟؟ ولماذا؟
أكيد كل حدا من بني البشر عنده قناعة بقسمة رب العالمين
ما رح يرضى غير اللي إختاره رب العالمين إلو وأكيد الشب بشوف حاله أفضل من البنت والعكس صحيح ..
.........
2_ماهو رأيك في البنت اللي تلبس لبس غير محتشم؟
البنت اللي بتلبس لبس مو محتشم بتكون تخلت عن إسم البنت لحتى تتحول لإسم ( ....... ) .
الفراغ حذف للرقابة ههههههههه
.........
3_هل تجذبك البنت اللي ابوها مليونير؟او غني؟؟(بصراحه ياتماسيح هااا
تجذبني البنت اللي بتفهمني وبتستوعبني بكل حالاتي
لكن بشكل عام أغلب البنات اللي مستواهم المادي منيح بكونوا عايشين بعالم من التكبر أو العجرفة ..
.........
4_هل من الممكن ان تخطب فتاة ليست من بلدك؟
مرة كنت رح أخطب بنت مو من بلدي والموضوع كان رح يتم لولا تقدير رب العالمين ..
وهلأ بتمنالها كل خير وسعادة ..
.........
5_هل من الممكن ان تتزوج فتاة اكبر منك سنا؟
أكيد .. لأ .
.........
6_هل تفضل الزواج التقليدي ام الزواج عن حب؟
جربت الحب الصادق النقي ..
وما شفت منه إلا الحسرة ..
لذلك بتمنى الزواج التقليدي ..
.........
7- من تكون المراه التي تقف امامها ضعيفا؟ولماذا؟؟
المرأة التي تستوعبني حتى في لحظات تسرع أو طيش مني ..
أكون أمامها ضعيفا ً فعلا ً .. لأنها تقدم شي كتير مقابل سعادتي ..
.........
8_ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟
إن كان عندي إستعداد للموضوع باخد الشي بشكل جدي أو بنهي المسألة
لأن هالمواضيع بعترها مصيرية وأحقر شي هو اللعب بالأحاسيس والمشاعر .
.........
9-عندما تكون معجب بفتاة ماهي طريقتك في الوصول لقلبها؟؟
شخصيتي .. وبس .
.........
10- ماشعورك اذا تزوجت طليقتك برجل افضل منك.؟؟
أنا ما تزوجت لأطلق لسه هههههههههه
بس أنو لا سمح الله لو انحطيت بهالموقف ما رح إسأل عنها لبعد طلاقها بثانية وحدة ..
.........
11- في احد الاماكن العامة رأيت من كانت يوما تسكن القلب .. تمسك بطفله .. كيف تكون ردة فعلك ؟؟
ما بعرف ..
فعلا ً .. ممكن أبكي .
.........
12_ كم مرة تنازلت عن مبادئك من اجل امرأه !! ؟
في فرق بين المسايرة بدون تنازل ..
وبين التنازل عن المبادئ ..
وأكيد ولا مرة الحب اللي كان بحياتي أثر على كرامتي أو مبادئي ..
.........
13-أذا وقع نظرك على امراه .. ماهو أول شيء يلفت انتباهك وتنظر اليه ؟؟
أكتر شي رائع بالبنت هو الحياء و الخجل بدون ما يكون فيهم تأثير على كرامتها أكيد ..
بكره وبحتقر البنت الوقحة ..
.........
14- لو كانت زوجتك موظفه وانت كذلك وكلاكما ذو رواتب عاليه .. هل تنتظر منها المشاركه ؟وهل تقبلها لو بدرت منها؟ وهل تنظر لراتبهاااذا لم تبدي اي مشاركه وتطالب بذالك؟
أصلا ً مستحيل أسمح لزوجتي بالعمل ..
.........
15_ هجرتك من تحبها .. هل تبادلها الهجر ام تتودد لها حتى تنعم بوصالها مرة اخرى !!
طبعا لو ما كنت أنا السبب أو انا الغلطان ..
تمنها فرنك سوري ..
بأيام الغلا .
.........
16- كثير من الرجال يتمنون ان تكون زوجاتهم خاتم في اصبعهم هل أنت وبكل صراحة منهم؟؟
أنا بتمنى زوجتي تكون تاج على راسي مو خاتم في أصبعي ..
لكن مع الحفاظ على حقوقي وشخصيتها اللي بتعجبني ..
.........
17- هل خضت يوما حربا من اجل الوصول الى قلب امراه.. وهل ظفرتِ بقلبها !!
خضت حرب مع أهلي بعد أن وصلت إمرأة إلى قلبي ..
وبعد موافقة أهلي لم يقدر الله أن تكون لي ..
الله يسعدها طول حياتها يا رب ..
.........
18_ هل تبوح لزوجتك أو حبيبتك.....الخ باخطائك ..! .. وهل تغفر لك تلك الاخطاء !!
أكيد الحمد لله أنا ما عندي أخطاء كبيرة أبدا ُ ..
لكن ما دون ذلك ما عندي مشكلة أصارح زوجتي فيهم
وأنا أصلا من معارضي فكرة جلسة المصارحة بين الزوجين لأنها رح تخلق المشاكل بالنهاية ..
.........
19-هل تتاسف اذا اخطات بحق زوجتك أو أختك أو......الخ؟
بدون تردد والله ..
لما بغلط ما عندي مشكلة أعتذر من أي حدا ..
.........
20- ماهي الكلمة التي تربكك من المراه !!
بحبك ..
.........
21- متى ترضى عن زوجتك؟ ومتى تشعر بضعفها؟
أنا بتمنى من ربي يزرقني زوجة تفهمني حتى بدون ما أتكلم وهاد أكتر شي بيرضيني .
= = =
شكرا كيوت على الموضوع الراااائع بكل معني الكلمة
وأكيد رح أثبت الموضوع من بعد إذن مشرف القسم .
aBo AlZoOoZ
10-05-2008, 01:13 PM
هااااااااااي شباب ..
كيفكم ..
انشالله كل شي تمام
أهليين و سهلين بـ كيووت و الله .. انتي كيفك ..؟؟؟
المهم .. مثل مابتحبو تحرجونا .. انا كمان حابه احرجكم ..جايبه لكم شويه اسأله خفيفه يحبها قلبكم ..وبدي منكم اجابات صرررررررررريحه ..
الله يسامحك ... انو نحن بنحرجكم ...؟؟؟؟ ... هههه .. طيب ...
أنا جااهز أكيد حتى كوون صريح ..
هناك كلمات لها نفس المعنى..فحبيبتك ..تنطبق على زوجتك .. والعكس صحيح ..وايضا خطيبتك..
فكل الالقاب لها طابع ....
طيب طيب ..يالله هذه D الاسئله..
طيب... ولا يهمك ... يا الله يا الله ...
1 _هل تمنيت في يوم ان تكون بنت ؟؟ ولماذا؟
بصرااحة ..؟؟ ... لأ .. لأني مبسوط بـ إني شب .. و الحمدلله ..
2_ماهو رأيك في البنت اللي تلبس لبس غير محتشم؟
و الله اللبس غير المحتشم اللي أنا بقصدو هو اللبس الصارخ و شبه التعري .. و شيء أكيد إني بحتقر البنت اللي بتعرض حالها من خلال ابراز مفاتنها بشكل وااضح .. لكل لشي حدود ..
3_هل تجذبك البنت اللي ابوها مليونير؟او غني؟؟(بصراحه ياتماسيح هااا )
والله من الشي اللي بشوفه و متل ما حكي أبو البيش انو هيك بنات غالباً ما يكونو متسرعات .. و متعجرفات .. و ما بيعملو موازنة عقلية ... بس اذا كانت عاقلة و ناضجة .. ليش لأ .. شبو المليونير ..؟؟؟ هههه
4_هل من الممكن ان تخطب فتاة ليست من بلدك؟
كل شيء ممكن .. وين المشكلة ...؟؟؟ ما أنا والدي سوري و أمي مصرية ...
5_هل من الممكن ان تتزوج فتاة اكبر منك سنا؟
انو لأ .. و خصوصي انو شكلي بيعطي أصغر من عمري شوي هههه
6_هل تفضل الزواج التقليدي ام الزواج عن حب؟
أنا بحب الزواج عن تفاهم ...
7- من تكون المراه التي تقف امامها ضعيفا؟ولماذا؟؟
أمي ... لأنها قدمت كل شي حتى تسعدني ولو على حساب أشياء تانية أحياناً ..
أمي اللي حضنت طفولتي .. و مرضي .. طيش مراهقتي .. و شبابي .. و ان شاء الله الله يطوّل عمرها رح تضل عم تشتغل لتسعدني و تشيل همي حتى لما اتزووج ..
8_ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟
أنا عموماً .. و مو مشان شي .. ما بحب البنت اللي بتصارح شب بحبها .. هيك عشنا و هيك تربينا .. بحسها بتنقّص من قيمتها .. و خصوصي اذا انحطت بموقف محرج .. و اذا ما كنت بحبها .. بحاول آخد الموضوع بشكل شبه عادي ..
بس اذا كانت متأكدة انو الشخص التاني بيحبها و ناطر ...؟؟ .. انو بتلميحتين بسيطتين ماشي ..
9-عندما تكون معجب بفتاة ماهي طريقتك في الوصول لقلبها؟؟
طريقتي و بكل بساطة هيي " أنا " ...بـ طبيعتي و شخصيتي و وجودي ..
10- ماشعورك اذا تزوجت طليقتك برجل افضل منك.؟؟
بس جرب هالشعور برجع و بقلك كيووت .. هههه
بس الله يسهللها .. بس لما تلاقيه الأول .. لك ما بدك حتى طلّق بالأول ..؟؟؟ ههه
11- في احد الاماكن العامة رأيت من كانت يوما تسكن القلب .. تمسك بطفله .. كيف تكون ردة فعلك ؟؟
بجيب شي ولد جنبي و بمسكو هههههههه ...
والله يا كيوت ولا أصعب من انك تلاقي الشخص اللي شغل قلبك لوقت كبير عم يعيش حياة تانية بعيد عنك .. أكيد رح ازعل كتيير .. بس بضل متماسك ..
12_ كم مرة تنازلت عن مبادئك من اجل امرأه !! ؟
ولا مرة ... و لا بتنازل .. يمكن بسهل الأمور شوي .. بس تنازل ..؟؟ لأ ..
13-أذا وقع نظرك على امراه .. ماهو أول شيء يلفت انتباهك وتنظر اليه ؟؟
و الله أنا دائماً بشوف البنت من حضورها و شخصيتها .. و والله مو بس حكي منتدى ... الشكل مو كتير بيعنيلي ..
14- لو كانت زوجتك موظفه وانت كذلك وكلاكما ذو رواتب عاليه .. هل تنتظر منها المشاركه ؟وهل تقبلها لو بدرت منها؟ وهل تنظر لراتبهاااذا لم تبدي اي مشاركه وتطالب بذالك؟
أولاً .. الزوجة لازم هيي تكون دامجة حياتها مع زوجها .. و تساعدو اذا كان عم يمر بـ ضائقة مادية ..
بس أكيد لو أنا مو بحاجة .. ما بنتظر منها أي شيء .. و لو ألحت هيي ..
و لو كنت بحاجة " لا سمح الله " .. و هيي ما مدت ايدها للمساعدة..؟؟ شيء طبيعي اني ما اطلب منها ..
15_ هجرتك من تحبها .. هل تبادلها الهجر ام تتودد لها حتى تنعم بوصالها مرة اخرى !!
و الله لما بنوصّل للهجر بدنا نشوف اذا أنا كنت غلطان ولا لأ ..
اذا أنا غلطت .. حقها .. بحاول رجعها .. و بتوددلها .. بس ضمن حدود ... اذا زودتها .. لأ سلام ..
أما اذا هيي غلطت و راحت .. الله معها ..
16- كثير من الرجال يتمنون ان تكون زوجاتهم خاتم في اصبعهم هل أنت وبكل صراحة منهم؟؟
انو مو خاتم ...لأ ... بس تكون محترمة زوجها .. و متفاهمة معو على كل شيء ... و بتعرف شو عليها و شو الها ..
17- هل خضت يوما حربا من اجل الوصول الى قلب امراه.. وهل ظفرتِ بقلبها !!
لأ .. ظفرت بدون حرب ...ههه.. بس خلصت الحكاية ..
18_ هل تبوح لزوجتك أو حبيبتك.....الخ باخطائك ..! .. وهل تغفر لك تلك الاخطاء !!
و الله يمكن أصارحها بأخطائي ... بس طالما أخطاء بسيطة ما الها حق ما تغفرهم .. و خصوصي انو أنا اللي قلتلها عليهم .. بالعكس لازم تكون متفهمة ..
19-هل تتاسف اذا اخطات بحق زوجتك أو أختك أو......الخ؟
بتأسف ... و بزعل كتير لما أزعلها ...
20- ماهي الكلمة التي تربكك من المراه !!
و الله كلمتين نقيضتين يمكن يسببولي ارباك .. بحبك ..
و شي كلمة صد .. اذا أنا حاولت اتقرب من شي بنت باحترامي طبعاً .. و رفضت ...
21- متى ترضى عن زوجتك؟ ومتى تشعر بضعفها؟
و الله ما حاسس حالي رح أعرف جاوب ..
بس أكيد رح كون رضيان طالما ضلت متل ما حبيتها .. و متل نا رضيت فيهي .. تصونني و تحبني .. و تهتم بعائلتنا ..
يالله شباب .. الاجوبه الصريحه..
أنا و الله جاوبت بكل صرااحة كيووووووت ..
و الموضوع جد كتير حلو ... و بتمنى كون وفّيت بـ اجوبتي ... تحياتي الك مع خالص الاحترام ..
cute girl
10-05-2008, 06:47 PM
شكرا يا شباب عالأجوبة الحلوة والصريحة
ويسلمووووو أبو البيش عالتثبيت
باسل اليحيى
10-05-2008, 10:03 PM
1 _هل تمنيت في يوم ان تكون بنت ؟؟ ولماذا؟
لاء الحمد لله لسى ما وصلت لهل المرحلة هههههه
2_ماهو رأيك في البنت اللي تلبس لبس غير محتشم؟
البنت جوهرة ثمينة ونادرة اد ما بتصون حالها بتلمع
3_هل تجذبك البنت اللي ابوها مليونير؟او غني؟؟(بصراحه ياتماسيح هااا )
قلبي فارس اصيل بيعشق الصيد الحر
4_هل من الممكن ان تخطب فتاة ليست من بلدك؟
ممكن اذا حبيتها وتاكدت من حبها
5_هل من الممكن ان تتزوج فتاة اكبر منك سنا؟
لاء مستحيل لان بيجي يوم وبيكون العمر سبب رئيسي للخلاف
6_هل تفضل الزواج التقليدي ام الزواج عن حب؟
الزواج عن حب
7- من تكون المراه التي تقف امامها ضعيفا؟ولماذا؟؟
تلك المراة التي اعطتني بدون مقابل ... تلك المراة التي ضمتني بحنانها ... تلك المراة التي أ حبتني طفل .... وعشقتها طفلة للانسانة التي ربطت مستقبلها بحياتي ... أحبهااااا ...
8_ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟
لكل مكان زمان وعنوان
9-عندما تكون معجب بفتاة ماهي طريقتك في الوصول لقلبها؟؟
شن الحرب عليه بكل الاساليب والوسائل
10- ماشعورك اذا تزوجت طليقتك برجل افضل منك.؟؟
اتمتى لها السعادة
11- في احد الاماكن العامة رأيت من كانت يوما تسكن القلب .. تمسك بطفله .. كيف تكون ردة فعلك ؟؟
نظرة اتمنى من خلالها السعادة لها
12_ كم مرة تنازلت عن مبادئك من اجل امرأه !! ؟
اذا كان في شي غلط واقنعتني
13-أذا وقع نظرك على امراه .. ماهو أول شيء يلفت انتباهك وتنظر اليه ؟؟
العيون
14- لو كانت زوجتك موظفه وانت كذلك وكلاكما ذو رواتب عاليه .. هل تنتظر منها المشاركه ؟وهل تقبلها لو بدرت منها؟
وهل تنظر لراتبهاااذا لم تبدي اي مشاركه وتطالب بذالك؟
لا ابدا مستحيل مهما صار مابرضى هاد تعبها هيه وهيه حره فيه وانا ضد فكرت الشغل للمراة
15_ هجرتك من تحبها .. هل تبادلها الهجر ام تتودد لها حتى تنعم بوصالها مرة اخرى !!
اذا انا غلطان بحارب الدنية لرجع قلبها ..........ولو كلفني حياتي ....
16- كثير من الرجال يتمنون ان تكون زوجاتهم خاتم في اصبعهم هل أنت وبكل صراحة منهم؟؟
لاء بتمناها شريكة صادقة وحنونة وبيت اسراري وسكني
17- هل خضت يوما حربا من اجل الوصول الى قلب امراه.. وهل ظفرتِ بقلبها !!
نعم خضت حرب وانتصرنا سوى
18_ هل تبوح لزوجتك أو حبيبتك.....الخ باخطائك ..! .. وهل تغفر لك تلك الاخطاء !!
ايه وبكل صراحة ...
19-هل تتاسف اذا اخطات بحق زوجتك أو أختك أو......الخ؟
نعم الاسف مو عيب اذا غلطة العيب اني ضل متحكم بغلطي
20- ماهي الكلمة التي تربكك من المراه !!
بحبك باسل
21- متى ترضى عن زوجتك؟ ومتى تشعر بضعفها؟
سر ههههههههههههههههه
cute girl
10-05-2008, 10:08 PM
شكرا باسل عالأجوبة الحلوة
نورت الصفحة
1 _هل تمنيت في يوم ان تكون بنت ؟؟ ولماذا؟..
لا
2_ماهو رأيك في البنت اللي تلبس لبس غير محتشم؟
بع بع بع بع هيك هيك انا من كم شهر انتقات لبلد اجنبي الي هو المانيا
هونيك المناظر بهدله اول كم اسبوع كل ما امشي بالشارع تقلب معدتي بس
هلق قربت اعود اعل الموديل
3_هل تجذبك البنت اللي ابوها مليونير؟او غني؟؟(بصراحه ياتماسيح هااا )
بصراحة ما بتفرق معي
4_هل من الممكن ان تخطب فتاة ليست من بلدك؟
طبعا على شرط تكون تفهمني وتسمع كلمة طبعا الشروط تكون على الاقل بعد الجواز ما بصير
(الكحول, تدخين, مناظر هيك وهيك, صاحبين, سهرة خارج البيت و عدم اكل الخنزير او اللحمة المدبوحة بالحرام) وانا ما بهمني المظهر الخارجي انا البهمني القلب والعقل
5_هل من الممكن ان تتزوج فتاة اكبر منك سنا؟
ممكن
6_هل تفضل الزواج التقليدي ام الزواج عن حب؟
لا اعلم
7- من تكون المراه التي تقف امامها ضعيفا؟ولماذا؟؟
ولا وحدة
8_ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها
اقل لها انقلعي وليك انقلعي من هنا متل ما عملت مع كم وحدا بالمانيا (gehe weg) بأدب او (weg von hier) بقلة ادب شوي مع استغراب الطلاب كافة بيجوز انا الوحيد بالمدرسة الي ماعندي صاحبة هيك احسن الشي
9-عندما تكون معجب بفتاة ماهي طريقتك في الوصول لقلبها؟؟
ما بعرف مالي معجب بحدا
10- ماشعورك اذا تزوجت طليقتك برجل افضل منك.؟؟
بالهنا ههههههههههههه
11- في احد الاماكن العامة رأيت من كانت يوما تسكن القلب .. تمسك بطفله .. كيف تكون ردة فعلك ؟؟
اكرر الجواب ما في حدا فيعقلي غير امي ابوي اخواتي ومدرستي والكتب و الموقع الي عب اصممه حاليا و برامج البازيك الي عب اساويها
[quote]
12_ كم مرة تنازلت عن مبادئك من اجل امرأه !! ؟
ولا مرة ههههههههههههه
13-أذا وقع نظرك على امراه .. ماهو أول شيء يلفت انتباهك وتنظر اليه ؟؟
بصراحة ما بعرف اش بدي اكتب
14- لو كانت زوجتك موظفه وانت كذلك وكلاكما ذو رواتب عاليه .. هل تنتظر منها المشاركه ؟وهل تقبلها لو بدرت منها؟ وهل تنظر لراتبهاااذا لم تبدي اي مشاركه وتطالب بذالك؟
بصراحة احب ان افعل كل شي لوحدي
15_ هجرتك من تحبها .. هل تبادلها الهجر ام تتودد لها حتى تنعم بوصالها مرة اخرى !!
ما في عندي صاحبة وانشاءالله تبقى الامور على حالها بلا صاحبة
16- كثير من الرجال يتمنون ان تكون زوجاتهم خاتم في اصبعهم هل أنت وبكل صراحة منهم؟؟
نعم لانو الرجال ما بيكون رجال اذا المراة ما سمعت كلامه
17- هل خضت يوما حربا من اجل الوصول الى قلب امراه.. وهل ظفرتِ بقلبها !!
لا
18_ هل تبوح لزوجتك أو حبيبتك.....الخ باخطائك ..! .. وهل تغفر لك تلك الاخطاء !!
اذا كنت عندي خطا بحقها نعم بس اذا لا ما بقول
19-هل تتاسف اذا اخطات بحق زوجتك أو أختك أو......الخ؟
نعم
20- ماهي الكلمة التي تربكك من المراه !!
ما بعرف لسعتي مالي متجوز هههههههههههههههههه
عمري 14سنة
21- متى ترضى عن زوجتك؟ ومتى تشعر بضعفها؟
ارضى عن زوجتي عند تكون مطيعة
اشعر بضعفها بصراحة ما فهمت هدا السؤال
شكرا يا cute girl على هذا الاستجواب الطريف وبتمنى تساوي جزء
أسئلة محرجة 2
ويكون اسئلة للبنات فقط
وليس للرجال كهذا الجزء
cute girl
10-07-2008, 12:54 PM
شكرا سوري عأجوبتك الحلوة
وان شاء الله بدي اعمل أسئلة محرجة 2 للبنات
نورت سوري
housaam
10-11-2008, 08:33 PM
أول الشي السلام عليكم وبحب أشكرك كيوت عالأسئلة الحلوة
بعدين نحنا الشباب ما في شي بيحرجنا لأنو نحنا ملائة وواضحين وما في منا
يالله يا كريم هاتي لشوف شو عندك أسئلة يا رب....
1 _هل تمنيت في يوم ان تكون بنت ؟؟ ولماذا؟
أكيد لأ والحمدلله راضي بعيشتي ومبسوط كتير وما بتمنى أنو أكون بنت
2_ماهو رأيك في البنت اللي تلبس لبس غير محتشم؟
رأيي أنو اللبس ما ألو علاقة بال،سان يعني الشكل الخارجي ما بيهم ...بس برجع لشغلة أنو نحنا عايشين بمجتمع شرقي ونحنا رجال شرقيين أكيد ما رح أتقبل هالموضوع لذلك أفضل البنت المحتشمة
_3هل تجذبك البنت اللي ابوها مليونير؟او غني؟؟(بصراحه ياتماسيح هااا )
أكيد ما بتجذبني البنت اللي أهلها أغنياء لأنو أنا بالأصل ما بحب العجرفة وبالنسبة للبنات بالذات البنت أذا معها عشر ليرات بتشوف حالها عالعالم وأذا ما شافت حدا تشوف حالها عليه بتشوف حالها على حالها بفضل البنت البسيطة
4_هل من الممكن ان تخطب فتاة ليست من بلدك؟
والله أنا اذا حبيت وكان قدري بالصين بدي أتزوجها أنا أنسان ما بتهمني الفوارق عندي الحب فوق كل شي
من تكون المراه التي تقف امامها ضعيفا؟ولماذا؟؟
الضعف أمام النساء ممنوع عندي لأنو أبشع الشي عند الرجل أنو يكون ضعيف أمام النساء خصيصآ
ممكن أضعف وما أحسسها بحال وحدة أذا شفت أنسانة بحبها عمتبكي بس أكيد ما رح تحس أنو أنا ضعفت
8_ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟
موضوع جدآ عادي يعني أنا مابحب هالفوارق أنو الشب اللي لازم يبادر وما بعرف شو بالعكس اذا هي اللي بتصارحني عنجد رح تكبر بعيني كتير....
9-عندما تكون معجب بفتاة ماهي طريقتك في الوصول لقلبها؟؟
حسب أكيد لازم أعرف شو بتحب مشان أعرف أتصرف....بس يمكن الرجولة هي الطرق الوحيد لقلب الفتاة
10- ماشعورك اذا تزوجت طليقتك برجل افضل منك.؟؟
عادي يعني ليش لحتى ما تتزوج بالعكس رح أتمنى أنو تتزوج لأنو أذا ما عملت هيك رح حس بالذنب بدي أفكر أنو هي حاطة بفكرها أنو من بعدي ما في رجال ههههههههه
11- في احد الاماكن العامة رأيت من كانت يوما تسكن القلب .. تمسك بطفله .. كيف تكون ردة فعلك ؟؟
يمكن أروح عالزاوية المعتمة من الشارع وأبكي ...وأكيد رح أمنالها السعادة من كل قلبي
12_ كم مرة تنازلت عن مبادئك من اجل امرأه !! ؟
أول الشي مبادئي خط أحمر ممنوع الأقتراب منه بس في شي أسمو تضحية بريئة هاد ما عندي مشكلة فيه
13-أذا وقع نظرك على امراه .. ماهو أول شيء يلفت انتباهك وتنظر اليه ؟؟
بصراحة أول الشي أخلاقها وتاني الشي لبسها يعني أنوثتها
14- لو كانت زوجتك موظفه وانت كذلك وكلاكما ذو رواتب عاليه .. هل تنتظر منها المشاركه ؟وهل تقبلها لو بدرت منها؟
وهل تنظر لراتبهاااذا لم تبدي اي مشاركه وتطالب بذالك؟
الوظيفة نووووووووووووووووو ممنوع
15_ هجرتك من تحبها .. هل تبادلها الهجر ام تتودد لها حتى تنعم بوصالها مرة اخرى !!
أذا كنت غلطان أكيد رح حاول أنو فهمها غلطي بس اذا هيك ما في شي وبعدت عني حدها جهنم بالعكس رح أزعل عليها مو على حالي لأنو هي اللي خسرت
16- كثير من الرجال يتمنون ان تكون زوجاتهم خاتم في اصبعهم هل أنت وبكل صراحة منهم؟؟
أكيد بتمنى تكون هيك بس مو بالخوف والأرهاب بالعكس عن طريق الحب والتفاهم وبالعكس شخصية المرأة هي أجمل ما فيها
17- هل خضت يوما حربا من اجل الوصول الى قلب امراه.. وهل ظفرتِ بقلبها !!
خضت حروب ومعارك وجبنا أسلحة ألا شوي بس شو أعمل ما طلع بأيدي شي لأنو القدر عاندني
18_ هل تبوح لزوجتك أو حبيبتك.....الخ باخطائك ..! .. وهل تغفر لك تلك الاخطاء !!
أعوذ بالله شو عمتحكي ناوية تخليني أنام بالصالون وعالأرض كمان يالطيف لا بدي أحكيلها ولا بدي تحكيلي أنا بيهمني من يوم اللي صارت ألي شو عميصير...
19-هل تتاسف اذا اخطات بحق زوجتك أو أختك أو......الخ؟
أكيد بس مو بطريقة بتهز صورتي قدامها يمكن أتأسف بهدية بمشوار ...
20- ماهي الكلمة التي تربكك من المراه !!
حبيبي
21- متى ترضى عن زوجتك؟ ومتى تشعر بضعفها؟
أرضى عنها حين ترضيني وتغمرني بكل الحب وبكل السعادة....أشعر بضعفها وقت اللي بتحتاجني لأنو أنا مو زلمة كتير عالسريع بلبيها بدون تفكير تقلي نط من البلكون بوافق (أكيد رح أوافق لأنو بدنا نكون ساكنين ببيت جنينة ههههه)
والله تعبت ولي علي أنا طيب ممكن شي دكتور نفسي ..لأنو والله حاسس حالي غلط متل كرم يعني أنو ما حسيت بشي (يعني أنا وقح مثلآ ههههههههههه)
برجع بشكرك كيوت
cute girl
10-12-2008, 11:35 AM
بعرف أنتو الشباب ما في شي بيحرجكون
ما شاء الله الله يحميكون
وشكرا حسااااااااااام عالأجوبة الحلوة
نورت
تحياتي ...
1 _هل تمنيت في يوم ان تكون بنت ؟؟ ولماذا؟
لاء .... لأنو خلقت من اضعف ضلع من ادم وصراحة انا ما بحب الضعف
2_ماهو رأيك في البنت اللي تلبس لبس غير محتشم؟
اللبس يعبر عن حرية شخصية وتاقلم مع واقع ومحيط وبيئة ومن الخطا ان يقيم شب بنت من اللباس
3_هل تجذبك البنت اللي ابوها مليونير؟او غني؟؟(بصراحه ياتماسيح هااا )
شو انا بدي اعشق أبوها .... علما انو بنات الغنى جزابات في مجتمعاتنا
4_هل من الممكن ان تخطب فتاة ليست من بلدك؟
طبيعي لما بتعجبني بنت وبتحقق الشروط المطلوبة والمقومات الاساسية لعلاقة تشاركية ومبادلة للعواطف
والاحاسيس مافي اي مشكلة
5_هل من الممكن ان تتزوج فتاة اكبر منك سنا؟
ما بعتقد
6_هل تفضل الزواج التقليدي ام الزواج عن حب؟
عن حب
7- من تكون المراه التي تقف امامها ضعيفا؟ولماذا؟؟
ما بعتقد اضعف قدام انسان
8_ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟
جريئة وخارجة عن عاداتنا وتقاليدنا البالية والمهترئة وه>ا ما احبه ل>لك الموضوع عادي
9-عندما تكون معجب بفتاة ماهي طريقتك في الوصول لقلبها؟؟
سر
10- ماشعورك اذا تزوجت طليقتك برجل افضل منك.؟؟
بس لطلق وتتزوج طليقتي بردلك خبر
11- في احد الاماكن العامة رأيت من كانت يوما تسكن القلب .. تمسك بطفله .. كيف تكون ردة فعلك ؟؟
لك يا بنت الحلال مافيه حب بينتهي الا بالزواج وعدا ذلك لايسمى حب لهيك بسميه مشروع حب لم يكتمل
فبكون احساسي عادي
12_ كم مرة تنازلت عن مبادئك من اجل امرأه !! ؟
انا ما بحب بطريقة وباسلوب جنوني لاتنازل عن شي
13-أذا وقع نظرك على امراه .. ماهو أول شيء يلفت انتباهك وتنظر اليه ؟؟
جسمها
14- لو كانت زوجتك موظفه وانت كذلك وكلاكما ذو رواتب عاليه .. هل تنتظر منها المشاركه ؟وهل تقبلها لو بدرت منها؟ وهل تنظر لراتبهاااذا لم تبدي اي مشاركه وتطالب بذالك؟
الزواج علاقة تشاركية تبنى على العطاء والاخذ
15_ هجرتك من تحبها .. هل تبادلها الهجر ام تتودد لها حتى تنعم بوصالها مرة اخرى !!
انا لا اقتنع بانو يوجد حب وبعده فراق كل هذا لا اسميه حب طالما انه يوجد حب لازم تطبق السناء عالارض ليحصل الزواج وعلينا دائما التأني باختيار من نحب لكي نجعل من انفسنا جواهر نادرة لا نسلمها مرتين
بل نسلمها مرة واحدة للشخص المناسب
16- كثير من الرجال يتمنون ان تكون زوجاتهم خاتم في اصبعهم هل أنت وبكل صراحة منهم؟؟
اي .... مشان تضل معي وين ما رحت ... يا بنت الحلال شو هالاسئلة الغريبة
17- هل خضت يوما حربا من اجل الوصول الى قلب امراه.. وهل ظفرتِ بقلبها !!
لا والله عمرو ماكان الحصول عقلب امراة معركة
20- ماهي الكلمة التي تربكك من المراه !!
ولا شي
21- متى ترضى عن زوجتك؟ ومتى تشعر بضعفها؟
انشالله عطول بضل راضي ... واشعر بضعفها عندما دائما اجعلها تحس بانها بأمان لاني معها
وانا الوحيد القادر على حمايتها والضعف جمال عند المراة وانوثة رهيبة
مع احترامي
أسد
كريسبو 911
04-15-2009, 07:12 AM
1_هل تمنيت في يوم ان تكون بنت ؟؟ ولماذا؟
لا و انا من الاشخاص الي بحمد الله كل يوم على اني رجال
2_ماهو رأيك في البنت اللي تلبس لبس غير محتشم؟
بتعبر عن شخصيتها مو اكتر و ما بفكر بيوم من الايام اني اتعرف عليها
3_هل تجذبك البنت اللي ابوها مليونير؟او غني؟؟(بصراحه ياتماسيح هااا )
لا ابدا الي بيهم من البنت شخصيتها بس
4_هل من الممكن ان تخطب فتاة ليست من بلدك؟
اكيد ممكن
5_هل من الممكن ان تتزوج فتاة اكبر منك سنا؟
اكيد ممكن
6_هل تفضل الزواج التقليدي ام الزواج عن حب؟
التقليدي
7- من تكون المراه التي تقف امامها ضعيفا؟ولماذا؟؟
امي لانها كل شي بحياتي
8_ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟
اكيد ما رح تتغير نظرة الها بنوب
بالعكس رح تكبر بعيني اكتر لانو القوة احسن من الضعف
9-عندما تكون معجب بفتاة ماهي طريقتك في الوصول لقلبها؟؟
..... ما بعرف
10- ماشعورك اذا تزوجت طليقتك برجل افضل منك.؟؟
انا اعزب
11- في احد الاماكن العامة رأيت من كانت يوما تسكن القلب .. تمسك بطفله .. كيف تكون ردة فعلك ؟؟
ما بقدر اعمل شي و بحتفظ بالجواب لنفسي
12_ كم مرة تنازلت عن مبادئك من اجل امرأه !! ؟
ولا مرة و ما عندي استعداد انو اتنازل ابدا
13-أذا وقع نظرك على امراه .. ماهو أول شيء يلفت انتباهك وتنظر اليه ؟؟
حجابها اول شي بيلفت نظري
14- لو كانت زوجتك موظفه وانت كذلك وكلاكما ذو رواتب عاليه .. هل تنتظر منها المشاركه ؟وهل تقبلها لو بدرت منها؟
وهل تنظر لراتبهاااذا لم تبدي اي مشاركه وتطالب بذالك؟
.....
15_ هجرتك من تحبها .. هل تبادلها الهجر ام تتودد لها حتى تنعم بوصالها مرة اخرى !!
اكتفي بالصمت و اذا عادت عدنا و اذا لم تعد فتلك مشكلتها
16- كثير من الرجال يتمنون ان تكون زوجاتهم خاتم في اصبعهم هل أنت وبكل صراحة منهم؟؟
لا انا بالايام رح كون انا و زوجتي اصدقاء يعني ما بحب انو تكون علاقة ازواج و بس
يعني نحضر افلام سوا نلعب نفرح متل اي رفيقين
17- هل خضت يوما حربا من اجل الوصول الى قلب امراه.. وهل ظفرتِ بقلبها !!
و الله خضت حروب كتيرة مشان امراه وحدة بس المشكلة انو العطل طلع منها
عجبها المصاري و السيارات اكتر من الحب و انا قلتلها صحتين على قلبك
18_ هل تبوح لزوجتك أو حبيبتك.....الخ باخطائك ..! .. وهل تغفر لك تلك الاخطاء !!
نعم و اذا كانت بتحبني صح اكيد رح تغفر
19-هل تتاسف اذا اخطات بحق زوجتك أو أختك أو......الخ؟
اكيد
20- ماهي الكلمة التي تربكك من المراه !!
..... ما بعرف بحكم انو ما عندي غير تجربة وحدة
21- متى ترضى عن زوجتك؟ ومتى تشعر بضعفها؟
..... ما بعرف
شكرا كتير كيوت على الاسئلة الحلوة
cute girl
04-23-2009, 11:27 AM
أسد
كريسبو
يسلموو ع مروركون وأجوبتكون الحلوة
نورتوا