آدم فـــــــــي سطور

[Rmane]

السـلام عليكم ورحمة الله وبركاتهـ
0
0
آدم .. اسمـح لي بـإقتــحـام عــالمكـ في محاولــة لـطرق أبــوابــه..
في نثـــر مــتواضع أعجبني في احدى المنتديات للتعرف على تفكيركـ أكثر ..
وكلي أمل أن لا تُزعِجُك الأسئله وتروق لك..
هنــا ستعــود ذاكـرتكـ للطفولة وستتكلـم عن مرحـلة الشباب والـنضج
لتختمها بحــديث عن نصفكـ الآخــر حــواء..
ولنــبداء بطرق عالــم كــل مــرحلــة..


عبـــــــــــــــــــث الطفـــــــــولة

*مكان الميلاد أين كان؟
*حياة الطفوله من كان المؤثر الأول بها؟
*موقف من الطفوله مازال عالق في ذهنكـ؟
*هل كان يوجد معامله مختلفه كونكـ ولـد عن باقي اخواتكـ البنات؟
*اليوم الدراسي الأول هل تتذكر حالكـ فيه؟
*عبث الطفوله كيف تصفه في بضع كلمات؟
*أصدقاء الطفوله هل مازلوا على تواصل؟


عنفــــــــوان المراهقـة

*أول سيارهـ أمتلكتها في أي سـن؟
*ماهو نوع سيارتكـ الأولى وكيف تعلمت القيادهـ؟
*مرحلة المراهقه كيف كان تعامل الأهل فيها؟
*غالباً مايكون الحب الأول في مرحلة المراهقه فكيف تصفه إن وجـــد؟
*إلى ماذا كنت تطمح وهل وصلت لطموحكـ؟
*عنفوان المراهقه مالذي تبقى منه اليوم في ذاكـرتكـ؟


نضـــــــج الرجـــــــــولة

*كيف هي نظرتكـ للحياة اليوم؟
*كيف هي حياتكـ بعد الزواج وتحقيق حلم الأبــوهـ؟
*هل وجدت حلاوة المسؤليه مابين واجباتكـ العملية والعائليه؟
*هل ستربي أبنائكـ بنفس أسلوب تربية والديكـ لكـ؟
*ماأكثر مايشغلكـ تفكيركـ في ظل مرحلة النضج؟

آدمـــــــــ و حــــــــــــواء


*المرأهـ ماذا يعني وجودها في حياتكـ اليوم؟
*من هي الشخصية النسائيه التي تعجبكـ؟
*من هي المرأهـ التي تــود أن تكون قدوة لكل نساء الأرض؟
*بعد الأخلاق الحسنة ماأكثر مايلفت انتباهكـ في المرأة شكلاً؟
*مارأيكـ بالمرأهـ التي تشاركـ الرجل اهتمامته كمتابعة الرياضة وأخبارالسيارات؟
*الأم والزوجة كيف ستتعامل معهما عند الخلاف؟
*خانتكـ حـــواء فأصبحت مابين المنصدم والمنتقم كيف ستكون ردة فعلكـ؟
*بيت شعر تهديه لحوائكـ؟
*كلمة توجهها لحواء سواء كانت الأم أو الزوجة أو الأخت او الحبيبة؟




اتمنى من كل آدم في هذا المنتدى محاولة الأجابة على أسئلتي.....................
....... لكمـ أرقى التحيات

[lolya]

موضوع وأسئلة رائعة رمانة ...وبانتظار مشاركة كل آدم بالمنتدى...
ولكن نتمنى أن تكون الجوبة صريحة بعيدة عن المثاليات...
مشكورة عزيزتي رمانة ..دمت بحفظ الله..
لوليا..

[Rmane]

شكرا لوليا مرورك اسعدني جدا.....

بس الظاهر ولا آدم حب الاسئلة..........

يلا عم نستنى شي آدم جريء يجاوبنا.......

[كائن حي]

يسلمووووو والله موضوع جميل ورائع ....

ومشكوووورة رمانة على هذا الموضوع ....

وإلى الامام ....

[عـهـــ الأصدقاءـــد]

شووو وين آدم؟؟ ههههههه
يبدو مابيحبو الأسئلة و الأجوبة

[أبو البيش]

مشاركة رائعة

وموضوع من أميرة التميز رمانة

لي عودة قريبة ..

::.. يثبت الموضوع ..::

[NighTaNgeL]

*مكان الميلاد أين كان؟

حلب


*حياة الطفوله من كان المؤثر الأول بها؟

امي الحبيبة ....

*موقف من الطفوله مازال عالق في ذهنكـ؟

وقت اللي كان القطار حيدعس اخي ..و الله حماه

*هل كان يوجد معامله مختلفه كونكـ ولـد عن باقي اخواتكـ البنات؟

لا كلنا على قلب واحد بالبيت و الحمد لله ..بس يوجد نوع من التميز كون اختي الوحيدة .


*اليوم الدراسي الأول هل تتذكر حالكـ فيه؟

ممممم

كنت كتير خايف و متردد بس هالحكي مو من ذاكرتي من اهلي ...


*عبث الطفوله كيف تصفه في بضع كلمات؟

أجمل مراحل الحياة .


*أصدقاء الطفوله هل مازلوا على تواصل؟

لألألأ.... و السبب التنقلات الكثيرة ..

*أول سيارهـ أمتلكتها في أي سـن؟

الى الان لا املك سيارة باسمي ...لكن قريبا باذن الله


*ماهو نوع سيارتكـ الأولى وكيف تعلمت القيادهـ؟

و الله تعلمت على اللاند كروسير ..و علمني السائق ...


*مرحلة المراهقه كيف كان تعامل الأهل فيها؟

و الله البابا ما كان يسال علي متل الماما ..لانه مشغول كتير كان بالشغل تبعو ..

*غالباً مايكون الحب الأول في مرحلة المراهقه فكيف تصفه إن وجـــد؟

يخرب بيت الحب شو بيـزل .


*إلى ماذا كنت تطمح وهل وصلت لطموحكـ؟

طموحاتي كانت كثيرة , وتحقق القليل منها .


*عنفوان المراهقه مالذي تبقى منه اليوم في ذاكـرتكـ؟

تجربة سفري الى الهند ..

*كيف هي نظرتكـ للحياة اليوم؟

خلقنـا ووجدنا للـ عبادة واختبار الذات .

*كيف هي حياتكـ بعد الزواج وتحقيق حلم الأبــوهـ؟

لسه عم ندور على بنت الحلال ..هههه


*هل وجدت حلاوة المسؤليه مابين واجباتكـ العملية والعائليه؟

و الله المسؤولية صعبة و مو مين كان بيحسن يتحملها ....و يتحمل شروطا


*هل ستربي أبنائكـ بنفس أسلوب تربية والديكـ لكـ؟


أكيد . ... المبادئ نفسها بس في كم تعديل ..و تغيير ..لانه كل زمن بيفرض طؤيقة تربية شكل ..


*ماأكثر مايشغلكـ تفكيركـ في ظل مرحلة النضج؟


الشهادة والعمــل .


*المرأهـ ماذا يعني وجودها في حياتكـ اليوم؟


حواء هي التي تكمل ادم


*من هي الشخصية النسائيه التي تعجبكـ؟

محافظه على دينها , محافظه على نفسها .
وواثقه من نفسها , ومرحه طبعاً .


*من هي المرأهـ التي تــود أن تكون قدوة لكل نساء الأرض؟

[ عائشة رضي الله عنها ]


*بعد الأخلاق الحسنة ماأكثر مايلفت انتباهكـ في المرأة شكلاً؟


أناقتها بكل تأكيد .


*مارأيكـ بالمرأهـ التي تشاركـ الرجل اهتمامته كمتابعة الرياضة وأخبارالسيارات؟


طريقة رآئعه لـ الاندماج مع الرجل .


*الأم والزوجة كيف ستتعامل معهما عند الخلاف؟


أكيد بـحاول أرضي الطرفين ...بس الاولوية لامي ...


*خانتكـ حـــواء فأصبحت مابين المنصدم والمنتقم كيف ستكون ردة فعلكـ؟


أكيد طبعاً [ الغضب , القهر ] .


*بيت شعر تهديه لحوائكـ؟

انت سبب جرحي عساه ما يطيب... و لو انا اسيب همك عساني من هالدنيا اغيب


*كلمة توجهها لحواء سواء كانت الأم أو الزوجة أو الأخت؟


الأم / .. بدونها أنا ولا شي .. ! الله يحظفها ويخليها لنا
الأخت / .. وجودها يعطي للحياة نكهة اخرى ...
الزوجه / .. الانثى التي سوف تكون تؤم روحي و نصفي الثاني ....

[ana lolo ana]

هييييييييييييييييي

يا جماعه سفقه للبطل نايت والله برافو عليك انت الشب الوحيد الجريئ بين كل شباب المنتدى

والله برافو عليك

وللمعلومه بهنيك على علاقتك الحلوه مع الماما والله يديما يارب أولوا آمين يالله اوام

[Rmane]

انو يا نايت بتستحق وسام الشجاعة.............

ابو البيش سنكيو عالتثبيت.....

و عم ننتظرك...

[أبو البيش]

السـلام عليكم ورحمة الله وبركاتهـ
0
0
آدم .. اسمـح لي بـإقتــحـام عــالمكـ في محاولــة لـطرق أبــوابــه..
في نثـــر مــتواضع أعجبني في احدى المنتديات للتعرف على تفكيركـ أكثر ..
وكلي أمل أن لا تُزعِجُك الأسئله وتروق لك..
هنــا ستعــود ذاكـرتكـ للطفولة وستتكلـم عن مرحـلة الشباب والـنضج
لتختمها بحــديث عن نصفكـ الآخــر حــواء..
ولنــبداء بطرق عالــم كــل مــرحلــة..


طيب ممكن أعرف ليش التدخل في شؤون غيركم ؟؟
طول عمرها حواء حشرية ونكدية ههههههههههه

لا والله جد اللطش رائع جدا ً وموفق جدا ً ومو غريب عليكي رمانة
وحبيت شارك حتى ما يكون نايت أسجع مني ههههههههههههه




عبـــــــــــــــــــث الطفـــــــــولة

*مكان الميلاد أين كان؟


ولدت في حلب وفي واحد من أقدم أحياء حلب ..




*حياة الطفوله من كان المؤثر الأول بها؟


أكيد تأثرت بناس كتير .. وبمواقف كتير ..




*موقف من الطفوله مازال عالق في ذهنكـ؟



موت ستي الله يرحمها ولما بستهامن جبينها وهي ميتة ..
منظر ما بنساه طول عمري ..




*هل كان يوجد معامله مختلفه كونكـ ولـد عن باقي اخواتكـ البنات؟


فعلا ما كان في فرق بالتعامل مع اخواتي البنات ابدا ً




*اليوم الدراسي الأول هل تتذكر حالكـ فيه؟


أول يوم رحنا ع المدرسة والله بتذكره تماما ً
وقتها كنت متعود أمي تعملي عروس (( يعني سندويش مو غير شي ههههههه )) أكلها لما كنا بالروضة ..
وأول يوم بالمدرسة رحت عند الآنسة وقلتلها بدي آكل راحت أشترتلي نحيات ولهلأ بحبها الله يذكرها بالخير ..

شرح الألفاظ :
نحيات : أكلات متل البسكويت والشيبس إلخ ههههههههههههه




*عبث الطفوله كيف تصفه في بضع كلمات؟


عبث الطفولة مرة كتبت فيه خاطرة ما نزلتها بالمنتدى أبدا ً لأنها لهلأ ما كملت .. بس كانت بتقول :
ليتني أرجع طفلا ً ..
ولا أرى هذا العناء ..
ليت البراءة في دمي .. تبقى حقيقة .
ليت السعادة تعيش معي لأكثر من دقيقة ..
ليت عقلي لا يفكر إلا بالدلال .. والسعادة .. والبكاء .
ليتني أرجع طفلا ً ..
ولا أرى هذا العناء ..




*أصدقاء الطفوله هل مازلوا على تواصل؟

بعض الصداقات باقية لكن بشكل عادي .. ويمكن أقل .



عنفــــــــوان المراهقـة
*أول سيارهـ أمتلكتها في أي سـن؟

حتى هالسن اللي هو 27 سنة ما عندي سيارة خاصة فيني ..
عندنا سيارتين لكل للعيلة ..



* *ماهو نوع سيارتكـ الأولى وكيف تعلمت القيادهـ؟


متل ما قلت ما عندي سيارة خاصة فيني ..
بس أول ما تعلمت السواقة كانت على بيك أب سكودا موديل 94




*مرحلة المراهقه كيف كان تعامل الأهل فيها؟

تعامل أهلي معنا بسن المراهقة كان كتير صح برأيي
لنهم كانوا يعطونا حريتنا لكن تتوقف هالحرية عند حدود معينة ..




*غالباً مايكون الحب الأول في مرحلة المراهقه فكيف تصفه إن وجـــد؟


مافي شي إسمه حب بفترة المراهقة ..
هاد رأيي طبعا ً ..



*إلى ماذا كنت تطمح وهل وصلت لطموحكـ؟


بالرغم من أني كنت متفوق بدراستي صدقا ً لكن كنت حابب إشتغل بمجال التجارة
والحمد لله ما ندمت على قراري اللي نفذته ..
لكن ما بعتبر حالي حققت 10 % من طموحاتي لأنها كبيرة كتير ..




*عنفوان المراهقه مالذي تبقى منه اليوم في ذاكـرتكـ؟

شخصية أبو البيش هي نفسها من أيام المراهقة وكل الناس اللي بتعرفني بتحكي هالشي
الفرق الوحيد هو أني صرت أوعى .. وأفهم .. الله يحرسني ههههههههههههه



نضـــــــج الرجـــــــــولة
*كيف هي نظرتكـ للحياة اليوم؟


الحياة هلأ فيها شوية حلاوة .. وبحر من المرار والهم والغم ..
لكن بالرغم من هيك بما إننا إنوجدنا فيها لازم نعيشها بحلوها ومرها
والأهم إننا نأثر فيها بدل ما تأثر فينا ..





*كيف هي حياتكـ بعد الزواج وتحقيق حلم الأبــوهـ؟
*هل وجدت حلاوة المسؤليه مابين واجباتكـ العملية والعائليه؟


بس أتزوج إن شاء الله رح أفتح هالموضوع وأرد على هالسؤالين ..




*هل ستربي أبنائكـ بنفس أسلوب تربية والديكـ لكـ ؟

الحمد لله تربيتي أعتبرها سليمة ..
لكن أكيد رح يكون طموحي بإن يكونوا اولادي أفضل مني إن شاء الله ..




*ماأكثر مايشغلكـ تفكيركـ في ظل مرحلة النضج؟

الإستقرار .. والنجاح بإذن الله ..



آدمـــــــــ و حــــــــــــواء
*المرأهـ ماذا يعني وجودها في حياتكـ اليوم؟

المرأة للرجل مثل الليل والنهار صعب حدا يكون بدون التاني ..




* *من هي الشخصية النسائيه التي تعجبكـ؟



شخصيات النساء المشرف كتار وصعب إني إذكر الكل ..
مثلا ً يعجبني إيمان السيدة عائشة رضي الله عنها وأرضاها ..
وصبر الخنساء بعد فقدان أولادها وأزوجها واخوها ..
وشجاعة نسيبة بنت كعب المازنية ..
وكتير فعلا ً ..
لكن أمثال هالنساء شبه إنتهوا من هالوجود ..




*بعد الأخلاق الحسنة ماأكثر مايلفت انتباهكـ في المرأة شكلاً؟



مافي تصور محدد ..
كل شكل فيه شي بميزه والأهم من كله هو الشخصية والنفسية اللي بتطغى على أي شكل ..




*مارأيكـ بالمرأهـ التي تشاركـ الرجل اهتمامته كمتابعة الرياضة وأخبارالسيارات؟


كتيييييييييير شي حلو ..
بس ع شرط ما تتعدى مرحلة المتابعة فقط ..




*الأم والزوجة كيف ستتعامل معهما عند الخلاف؟


بالتفاهم .. ثم التفاهم ..
أي مشكلة بالعالم بتنحل بالرواء ..




*من هي المرأهـ التي تــود أن تكون قدوة لكل نساء الأرض؟


مافي مرأة محددة ..




*خانتكـ حـــواء فأصبحت مابين المنصدم والمنتقم كيف ستكون ردة فعلكـ؟


اللي بتخون قلب مخلص فعلا ً ..
خسارة فيها التفكير بطريقة للرد ..



*بيت شعر تهديه لحوائكـ؟


بيت شعر أهديه لراحلة :
أخبري من عن هوانا سائل ٌ ........ أن هذا القلب محتاج ٌ لنبض ِ
أنا إن غادرت دنيا حبنـــا ........ فالهوى عهد ٌ سيبقى دون نقض ِ





*كلمة توجهها لحواء سواء كانت الأم أو الزوجة أو الأخت او الحبيبة؟


يا ريتك فعلا ً تعرفي قيمتك ..



اتمنى من كل آدم في هذا المنتدى محاولة الأجابة على أسئلتي.....................
....... لكمـ أرقى التحيات


أنا جاوبت مو خايف من شي ..
وإنضميت مع نايت حبيبي لقائمة السجعان ههههههه

شكرا ً كتير لمصدر الرقي في منتدانا رمانة ..

[Rmane]

ممممممممممممممممممم

والله يا ابو البيش طلعت سجاع كتير........

و شكرا كتيييييير الك ع مشاركتك اللي أضافت للموضوع نكهة خاصة جدا.............

[housaam]

أول الشي وعليكم السلام....

تاني شي خيتو أنتو أش بدكون علاقة فينا يعني ليش هالمطاحشة

بس أنا بعرف ليش لأنو أنتو دايما بتغارو مننا لأنو نحنا حلوين وما في منا الله يحمينا ..

لا بجد الله يعطيكي العافية أختي عالموضوع الحلو والله يعطيكي العافية...

عبـــــــــــــــــــث الطفـــــــــولة

*مكان الميلاد أين كان؟

أنا ولدت في حلب

*حياة الطفوله من كان المؤثر الأول بها؟

والدتي الله يخليها ويخلي أمهاتنا جميعآ

*موقف من الطفوله مازال عالق في ذهنكـ؟

أنا كان عندي مشكلة بالمشي لما ولدت ....وبتذكر بيوم من الأيام أنو كنت أنا ووالدي بمكان سياحي...شفت أولاد عم يلعبو سباق ركد..فقلتلو لوالدي أنو ..بابا أنا ليش ما بقدر ألعب متلهون...يومها شفت دمعة والدي ...

*هل كان يوجد معامله مختلفه كونكـ ولـد عن باقي اخواتكـ البنات؟

لا والحمد لله كلنا روح وحدة بشكر ربي

*اليوم الدراسي الأول هل تتذكر حالكـ فيه؟
لا والله ما بذكر بس حسب حكي الأهل أنو سبيت الآنسة وهربت ..هههههههه

*عبث الطفوله كيف تصفه في بضع كلمات؟

بدفع نص عمري ..مشان أرجع لحياة الضفولة...

*أصدقاء الطفوله هل مازلوا على تواصل؟

اي أكيد لهلأ عندي أصدقاء من الطفولة...

*أول سيارهـ أمتلكتها في أي سـن؟

أنا لهلأ ما أمتلكت سيارة بس يعني أنشالله الله ما في أكرم منو...

*ماهو نوع سيارتكـ الأولى وكيف تعلمت القيادهـ؟

والله أنا أتعلمت على..الحزين...الحزين=هو بيك آب رفيقي كنا نسمي حزين من كتر ما منحط فيو أغاني بتبكي...

*مرحلة المراهقه كيف كان تعامل الأهل فيها؟
والله الحمدلله كان كلو حكمة وما كانو يتدخلو فيني ...غير من بعيد لبعيد...

*غالباً مايكون الحب الأول في مرحلة المراهقه فكيف تصفه إن وجـــد؟

أنا مع أخوي أبو البيش ما في حب بمرحلة المراهقة ...بس يمكن أنا بسميه أستلطاف

*إلى ماذا كنت تطمح وهل وصلت لطموحكـ؟

والله أنا كنت أطمح طموحات كبيرة ولهلأ ...بس الحمدلله يعني تحقق منها القليل وبصدد تحقيقها أنشالله

*عنفوان المراهقه مالذي تبقى منه اليوم في ذاكـرتكـ؟

والله يعني ما تغيرت كتير بس يمكن اللي تغير فيني أنو أتجاهتي تغيرت شوي بس طموحي هاد هو من زمان...

نضـــــــج الرجـــــــــولة

*كيف هي نظرتكـ للحياة اليوم؟
متعبة جدآ وما أي شخص بيتحملها لأنو قاسية وجارحة وظالمة

*كيف هي حياتكـ بعد الزواج وتحقيق حلم الأبــوهـ؟

والله لسه ما راودني هالشعور....

*هل وجدت حلاوة المسؤليه مابين واجباتكـ العملية والعائليه؟

ما بعرف كمان ....بس يعني ما في مشكلة(يومم الغدا عند أهلي يوم عند أهلها ههههه)

*هل ستربي أبنائكـ بنفس أسلوب تربية والديكـ لكـ؟

أكيد بنفس الطريقة لأنو الحمدلله أنا راضي عن تربية والدي ووالدتي ألي...

*ماأكثر مايشغلكـ تفكيركـ في ظل مرحلة النضج؟
أكيد هموم الحياة وكيف بدي أشتغل وشو لازم أعهمل مشان أحسن وضعي المعيشي,,,,


آدمـــــــــ و حــــــــــــواء


*المرأهـ ماذا يعني وجودها في حياتكـ اليوم؟

يعني ما بدي أحكيلك ...بس شو بتسوى الدنيا بدونك يا حوا..(لك الله يخليلنا الحوايات يا رب ولا يحرمنا منهون)

*من هي الشخصية النسائيه التي تعجبكـ؟
أكيد بدون منازع السيدة عائشة ....الله يطعمنا ربع أخلافها...لأنو ما ضل من أخلاقها ودينها

*من هي المرأهـ التي تــود أن تكون قدوة لكل نساء الأرض؟
والله كل واحد ألو وجهة نظر...

*بعد الأخلاق الحسنة ماأكثر مايلفت انتباهكـ في المرأة شكلاً؟

أول الشي الجمال تاني شي الأنوثة تالت شي الأناقة الذوق...

*مارأيكـ بالمرأهـ التي تشاركـ الرجل اهتمامته كمتابعة الرياضة وأخبارالسيارات؟
خيتو أنا ما بدي تهتم بهالشغلات ..أنا بدي تهتم فيني وبس ..يعني مثلآ أجي من شغلي بس تقلي كلمة الله يعطيك العافية حبيبي ....(ثقي تمامآ برجع بفتح الباب وبرجع عالشغل هههههههه)بس أنا بحب الأهتمام

*الأم والزوجة كيف ستتعامل معهما عند الخلاف؟

أكيد بحاول أكون ديمقراطي .....بس ولو كانت أمي على غلط ما رح قول أنها على غلط....

*خانتكـ حـــواء فأصبحت مابين المنصدم والمنتقم كيف ستكون ردة فعلكـ؟
أنا بالنسبة ألي لما تخون هي ما عمتخوني ,,,والله هي عمتخون حالها ...لأنو خسرت شخص مستعد يبيع عيونه ويشتريها....
*بيت شعر تهديه لحوائكـ؟

ان العيون التي في طرفها حور.........قتللنا ثم لم يحين قتلانا

يقتلن ذا اللب حتى لا حراك به.........وهن أضعف خلق الله أركانا



*كلمة توجهها لحواء سواء كانت الأم أو الزوجة أو الأخت او الحبيبة؟

الدنيا ما بتسوى شي بلاكون...

خلصو خلصو الحمدلله مرة تانية بدي أرفعو فلق للي بدو يجيب سيرة عمو آدم

[Rmane]

يا حسام اجوبتك اكتر من رائعة.............

و خصوصا...............


خيتو أنا ما بدي تهتم بهالشغلات ..أنا بدي تهتم فيني وبس ..يعني مثلآ أجي من شغلي بس تقلي كلمة الله يعطيك العافية حبيبي ....(ثقي تمامآ برجع بفتح الباب وبرجع عالشغل هههههههه)بس أنا بحب الأهتمام


على كل حال شكراااااااااااااااااااااااااا عالمرور الحلو...........

[aBo AlZoOoZ]

عبـــــــــــــــــــث الطفـــــــــولة


*مكان الميلاد أين كان؟
ســــــورية - طرطوس

*حياة الطفوله من كان المؤثر الأول بها؟
أمي الرائعة ...

*موقف من الطفوله مازال عالق في ذهنكـ؟
بصراحة أكتر موقف بذكرو انو لما مرة و أنا صغير عصبت من أختي الكبيرة و دفشتها .. ( و أنا كنت و ما زلت بحبها أكتر شي ) و لحد هلاء كل ما أذكر هالموقف باتدايق من حالي كتييير ..

*هل كان يوجد معامله مختلفه كونكـ ولـد عن باقي اخواتكـ البنات؟
يمكن كان في شوية اختلاف بس هالشي كان بيرجع لأني أصغر واحد بالبيت ... بس ...

*اليوم الدراسي الأول هل تتذكر حالكـ فيه؟
أنا بتذكر أول يوم بمرحلة الروضة ( ما قبل الأول الابتدائي ) بذكر كتيير وقتها أخدني والدي بالسيارة و لما وصلنا أخدني لعند معلمة كان بيعرفها .. و قلي انو ما بيطول شوي و بيرجع .. و طبعاً ضليت ابكي شي ساعة بعدين فتت بالجو ..ههه

*عبث الطفوله كيف تصفه في بضع كلمات؟
مرحلة رائعة من البراءة و بعض الشقاوة...

*أصدقاء الطفوله هل مازلوا على تواصل؟
اي ... لساتنا على تواصل عالرغم من المفترقات اللي مرينا فيها ..


عنفــــــــوان المراهقـة

*أول سيارهـ أمتلكتها في أي سـن؟
ما امتلكت سيارة لـ حد الآن ....

*ماهو نوع سيارتكـ الأولى وكيف تعلمت القيادهـ؟
انو تعلمت القيادة على سيارتنا مازدا 929 بفضل صديقي شوي .. و أخي اللي مكنني نوعاً ما ...ههه

*مرحلة المراهقه كيف كان تعامل الأهل فيها؟
أنو الإهتمام يمكن زاد شوي .... طبعاً بالإضافة لصلاحياتي اللي زادت طبعاً .. و غيرها من الأشياء اللي يمكن تشغل المراهق ...

*غالباً مايكون الحب الأول في مرحلة المراهقه فكيف تصفه إن وجـــد؟
و يمكن يكون قبل كمااان هههه ... المهم خلينا بحب المراهقة ... اي أنا حبيت بمراهقتي و حبيت من قلبي و ضل حبي للبنت نفسها مستمر 6 سنين .... كان شيء رائع أعطاني ثقة .. أمان ...

*إلى ماذا كنت تطمح وهل وصلت لطموحكـ؟
حياة المراهق ما بتخلا من الطموحات ...
أول طموح كان طموح في الحب و اني حافظ عـ كل شي ... بس للأسف ما قدرت ..
و طموحي التاني كان بخصوص الدراسة ... و الحمدلله اتحقق بفضل رب العالمين و بفضل والدي الله يخليه فوق راسي و دخلت كلية الصيدلة ... و طبعاً لسا في طوح ... بس يمكن ما في حدود بترسمه ...

*عنفوان المراهقه مالذي تبقى منه اليوم في ذاكـرتكـ؟
مراهقتي بقي منها صور ... بقايا ذكريات .... شي حلو و شي مر ....


نضـــــــج الرجـــــــــولة

*كيف هي نظرتكـ للحياة اليوم؟
نظرتي للحياة فرقت كتيير عن نظرتي القديمة .... و أنا حالياً بعيش حياتي على انها الطريق أو الأختبار اللي بيحدد مصيرنا بالآخرة .. و أكيد انو لازم الإنسان يقوم بأعماله على أكبر وجه ...

*كيف هي حياتكـ بعد الزواج وتحقيق حلم الأبــوهـ؟
طبعاً لسا ما تزوجت ... بس ان شاء الله بتكون حياة رائعة

*هل وجدت حلاوة المسؤليه مابين واجباتكـ العملية والعائليه؟
لسا ما وصلت للحياة العملية خارج الدراسة ....

*هل ستربي أبنائكـ بنفس أسلوب تربية والديكـ لكـ؟
و الله يا ريت أقدر اربيهم على نفس الأسلوب ... بس يمكن مع شوية تغييرات بسيطة ... بس فعلاً لو بقدر اتخذ نفس الأسلوب رح كون مبسوط ..

*ماأكثر مايشغلكـ تفكيركـ في ظل مرحلة النضج؟
يمكن انطلاقتي للحياة العملية بعد ما اتخرج ... و ادخل الحياة العملية ...


آدمـــــــــ و حــــــــــــواء


*المرأهـ ماذا يعني وجودها في حياتكـ اليوم؟
المرأة هي كل شيء بحياتي ... الأم و الأخت و الصديقة و الحبيبة و نصف المجتمع ... و لولاها ما كانت الحياة هيك ..

*من هي الشخصية النسائيه التي تعجبكـ؟
.......... صراحة ما قدرت اختار...

*من هي المرأهـ التي تــود أن تكون قدوة لكل نساء الأرض؟
المرأة المثالية و ليس شخصية معينة ...

*بعد الأخلاق الحسنة ماأكثر مايلفت انتباهكـ في المرأة شكلاً؟
شكلاً ....: انو تكون محترمة المنظر و الملبس ...

*مارأيكـ بالمرأهـ التي تشاركـ الرجل اهتمامته كمتابعة الرياضة وأخبارالسيارات؟
عادي .. كل شخص و اله اهتماماته الخاصة ... و مشاركتها للرجل بالرياضةمثلاً يمكن يكون شيء عادي ..

*الأم والزوجة كيف ستتعامل معهما عند الخلاف؟
لما رح يصير احتلاف ( بعيد الشر .. ) أكيد رح حاول لاقي نقاط للتلاقي و النقاش .. و أكيد ما بتكون غير رضيانة و متفاهمين ..

*خانتكـ حـــواء فأصبحت مابين المنصدم والمنتقم كيف ستكون ردة فعلكـ؟
يمكن مريت بـ هيك شي ... اتدايقت و زعلت كتيير .. بس بهالمرحلة أنا بعتقد انو ما لازم توقف حياتي و لا أعمل اي ردة فعل بناء على لحظة خيانة ....

*بيت شعر تهديه لحوائكـ؟


أحبُّكِ قبلَ الأنوثةِ ,
بعد الأنوثةِ ,
شرق الأنوثةِ ,
غرب الأنوثةِ ,
يا امرأةً لا أراها
و لكنّها في جميع الجهات...
فلا تخذليني...
إذا ما طلبتُ اللجوء إليكِ...
أنا سمكٌ ...
يتخبّطُ في كحلك العربيّ
و يبحثُ عن فرصةٍ للحياة.


*كلمة توجهها لحواء سواء كانت الأم أو الزوجة أو الأخت او الحبيبة؟

لك الشكرُ... يا امرأةً علّمتني
جنون الهوى ... و جنون السفر...... لك الشكرُ...



اتمنى من كل آدم في هذا المنتدى محاولة الأجابة على أسئلتي.....................
....... لكمـ أرقى التحيات

و الله يا رمااااان حاولت اني جاوب و بتمنى انو أجوبتي تكون حملت كل شفافية و صدق .. و بتمنى انها تكون بالشجاعة المطلوبة ... موضوع كتيير رائع .. و بالفعل شكراً لإلك يا حواء اللي اعطت اهتمام للإبحار بـ عالمنا ...
تحياتي الك مع خالص الاحترام و التقدير .... دمتي بكل خير و تألق ..

[أبو البيش]

حسام

أبو الزوز

تميز رائع في الإجابات

الله لا يحرمنا هالطلة الحلوة ..

[Rmane]

بجد تميز رائع يا ابو الزوز....................
و الحمدلله انو في بعض من آدم سمحوا لحواء الابحار في عالمهم الخاص..............

شكر من قلبي لكل آدم سمحلي باقتحام حياته و أجاب بكل شفافية و مصداقية.............

لكل آدم في منتدانا تحية كبييييييييييييرة من كل حواء

[باسل اليحيى]

احلى يعني هلاء اذا شاركت انا بكون سجاع ههههههههههههه

انا ملك السجاعة ههههههههههههههههههههههههههه

يارب ........... ياكريم .............. ياستار ...................... ياجبار ...........................

برجعلكم ايه لاني نشغلت هلاء هههههههههههه

[Rmane]

و نحن عم نستناك باسل....ما طول علينا...

[ROSHEH designer]

*مكان الميلاد أين كان؟
والله اول عيد ميلاد بحياتي...عملته بمطعم البلكون بحلب وخربت الدنيا هناك وهل يوم عزيز علي كتيير

*حياة الطفوله من كان المؤثر الأول بها؟
ولدت ولم اعرف امي وابي ومع ذالك احبهم فكيف سيكون حبي للشخص الذي ساحبه

*موقف من الطفوله مازال عالق في ذهنكـ؟
لما مرة عم اركض بالشارع قام وقعت بجورة كلها زبالة كانت....:(

*هل كان يوجد معامله مختلفه كونكـ ولـد عن باقي اخواتكـ البنات؟
لا ابدا مانحنا بالعيلة بنت وشب فقط ومافي حدا محبوب اكتر من التاني ابدا كنا روح وحدة عطول

*اليوم الدراسي الأول هل تتذكر حالكـ فيه؟
كانت اختي عم تدخلني عالروضة وانا كنت كتيير عم ابكي وما بدي انها تعيفني حتى مرة خليتها تحضر الحصة معي :d

*عبث الطفوله كيف تصفه في بضع كلمات؟
متعة بحد ذاتها:)

*أصدقاء الطفوله هل مازلوا على تواصل؟
البعض منهم فقط;)

*أول سيارهـ أمتلكتها في أي سـن؟
رينو ميغان سبور لونها ازرق في بيروت في سن 19

*ماهو نوع سيارتكـ الأولى وكيف تعلمت القيادهـ؟
ستروين C5 من سن 14 تقريبا

*مرحلة المراهقه كيف كان تعامل الأهل فيها؟
متل اي يوم لاني ما حبيت اني عزب حالي واراهق على شي ما لقيتو بعد.

*غالباً مايكون الحب الأول في مرحلة المراهقه فكيف تصفه إن وجـــد؟
شيئا جميلا كنت انا افكر به وكنت قد رسمته في موخيلتي فهو سيكون بالفعل جميل وشي جديد بالنسبة لحياتي.

*إلى ماذا كنت تطمح وهل وصلت لطموحكـ؟
اطمح ان اطور هوايتي وانا اصل الى عالم التصميم والديكور .. وصلت اليه ومن بابه الكبير والحمد لله

*عنفوان المراهقه مالذي تبقى منه اليوم في ذاكـرتكـ؟
لا شي ابدا


*كيف هي نظرتكـ للحياة اليوم؟
التفائل وعدم النظر الى الخلف ابدا

*كيف هي حياتكـ بعد الزواج وتحقيق حلم الأبــوهـ؟
حياة احلم بها لانها حلما بحد ذاتها

*هل وجدت حلاوة المسؤليه مابين واجباتكـ العملية والعائليه؟
نعم منذ سنين...

*هل ستربي أبنائكـ بنفس أسلوب تربية والديكـ لكـ؟
نعم واضيف عليه ما انا ارته لهم فان نظرتي للتربية ربما ستكون جيلة لي ولهم

*ماأكثر مايشغلكـ تفكيركـ في ظل مرحلة النضج؟
عملي بشكل عام لانه الاهم بالنسبة الي

*المرأهـ ماذا يعني وجودها في حياتكـ اليوم؟
تعني كل شي هو مهم بالنسبة الي

*من هي الشخصية النسائيه التي تعجبكـ؟
اللي بستحق اني اعجب فيها

*من هي المرأهـ التي تــود أن تكون قدوة لكل نساء الأرض؟
اللي بتعرف كيف انها تطور الحياة الى رقي للشعب والمباني والاملاك العامة هي تستحق ذالك

*بعد الأخلاق الحسنة ماأكثر مايلفت انتباهكـ في المرأة شكلاً؟
انسجامها بتفكيري وصدق مشاعري وكلماتي اتجاهها وانا تشعرني بذالك القلب الذي تحمله بداخلها..

*مارأيكـ بالمرأهـ التي تشاركـ الرجل اهتمامته كمتابعة الرياضة وأخبارالسيارات؟
عادي جدا لاني ما بروح وقتي بهيك اشيا بعمري ما فكرت اني شوفها بغتنم الفرصة انو حبيبتي بقربي

*الأم والزوجة كيف ستتعامل معهما عند الخلاف؟
من كان على حق وفقط

*خانتكـ حـــواء فأصبحت مابين المنصدم والمنتقم كيف ستكون ردة فعلكـ؟
اطلب من الله ان يعقبها ......... بعد ان اهدى نفسي ولا اضر نفسي لامور عصبية

*بيت شعر تهديه لحوائكـ؟
حبيبتي انتي في حبي معبودتي فكيف يرضا القلب ويحن رضاه
فكل من وجد الحب لم يرى سواه وجد كلمات لحبيبتي سوف ترضا بمعتاه
هي الكلمات انا اللي كاتبها بصدق وهي القصيدة طويلة شوي بس استنقيت هل البيتين...
انشاء الله يكونو من واجبكم

*كلمة توجهها لحواء سواء كانت الأم أو الزوجة أو الأخت او الحبيبة؟
انت ملاك ستتوجين يوما اميرة على فارسك الذي استحق وجودك في حياته

.................................

شكرا الك رمانة الموضوع كتيير حلو

ابو الروش

[Rmane]

شكرا للجميع عالمرور....

دمتم بود..