الزواج المبكر موضوع لنقاش

[ام الرور]

موضوع الزواج البكر موضوع مطروح للنقاش والتداول
وأبداء الاراء من أبناء هذا الجيل أرجو المناقشة وطرح الاراء
زمناقشة الموضوع من جوانبة الايجابية والسلبية وليس مرورا

مما لا يخفى على أحدٍ منا ما يمثله الزواج من استقرار وطمأنينة تسكــن قلوب الأزواج


هذه المنظمة الصغيره والتي تعرف بالأســـرة .. تتكون بدايةً من زوجٍ وزوجة


زوج + زوجة = أسرة صغيره


وما نناقشه اليوم هو أحد الظواهر الإجتماعية وأحد المواضيع المتعلقة بالطرف الأيمن من المعادلة ... وبالتحديد موضوع الزواج المبكر


قد يتبادر للذهن أن الزواج المبكر هو شأن يخص المرأة التي تتزوج في سن مبكّــرة


لكن في الحقيقة هو يمس الشباب أيضاً ... إذ أن بعضهم أيضاً يتزوج في سن مبكره


بدايةً ما هو تعريفنا لكلمة ( المبكّــــر ) ؟؟


حسب ما جاء في بيان ومقالات المنظمات النسائية أن الزواج المبكر هو ما تحت سن 18 سنه !!!


في مجتمعنا - وهذا ما يهمنا - سن الزواج المبكر غيد محدد بدقه فالبعض قال هو سن البلوغ والبعض الآخر قال أن الزواج المبكر هو ما تحت سن 15 سنه !!!

فريق آخر حدد سن الزواج المبكر من 12 سنة إلى 16 سنة .


لن نختلف كثيراً في هذا الموضوع ... فنحن نريد المغزى وراء هذا الزواج وهذه الظاهرة .. بمعنى آخر


هل الزواج المبكر ظاهرة صحية للمجتمع ؟


أم أنه بداية خراب ودمار للأســـرة ؟



اختلفت الآراء وانقسمت وجهات النظر بين معارضٍ ومؤيد ... وكل يسرد بعض الأدلة التي تدعم رأيه


ونحن بدورنا سنغوص في ثنايا هذا الموضوع ... لنخرج منه بإذن الله بالفائدة المرجوه


... ونحن بانتظار آراء المشاركين وتفاعلهم مع الموضوع

[SYR]

افضل سن للزواج باعتقادي 25 وكل الناس هيك كانت تعتقد بس هلاء يوه 25 صغير بعدك كثير كانه الانسان بيصغر بمشاعره واحاسيسه اصلا ببداية ووعيه للانسنا بيصبح مؤهل شيء فشيء والزواج المبكر في هل الزمن صار سلبي كثير بس على التربايه منيح جدا جدا في حفظ البني ادم من اغواءات الحياة والله يعين الشباب شو بيشوفو ويالله عشنا عزابيه وراح نظل هيك الهيئة بما انه الامور الماديه صارت الاهم من الاهم بما انها كانت مهم وليست الاهم

[السبيل]

يعني أذكر قول الأديب علي الطنطاوي :متى يأكل الإنسان ؟ عندما يجوع ؟ فمتى يتزوج؟


المهم يعني الملخص أننا لا نستطيع معاداة فطرة الله وصبغته التي فطر عليها الناس الشاب تبدأ حاجته هذه في سن السادسة عشرة تقريباً والفتاة قبل ذلك فماذا يصنع حتى الثلاثين أو ما قبلها؟

أغلب أصدقائي العجم متزوجين منذ السابعة عشرة وما رأيت أحدهم يعاني مشاكل بل وعندهم أولاد وهم في العشرين (أحدهم عنده ثلاثة)

المشكلة هنا في سوريا والبلاد العربية الحقيقة هي مشكلة مادية (برأيي ورأيي لا يمثل حقيقة) بحتة والله أعلم

[ام الرور]

شاكرة مشاركتكم اللطيفة

انا ضد الزواج المبكر لانه بيدمر طموح الشباب والبنات وبيحملوا مسؤليات كبيرة وهنن مو عارفين


انه بدها هز كتاف وفت خبز كتير ليقدروا على هيك مسؤلية وبعدين بيكبروا وبيوعوا وبيندموا لزواجهم


وصاير هلا الطلاق موضة بقا مافي غير عم نسمع طلاقات وكله بعمر صغير ووقت قصير جدا

ومع انه كمان في تناقد احيانا بيكون زواج مبكر نعمة لتخلص من فساد ويلي عم نشوفه والقنوات والموضة ومابعرف شو

بقا وين الغلط بالجيل الجديد وتواكب العصر ولا بفهم الحرية والموضة ومواكبة العصر بطريقة غلط


ومتطلبات الاهل من شباب وطلبات البنات

وناس بتقول الحالة المادية بمعنلى دخل الفقر من الباب هرب الحب من شباك

والاخطر فهم المودة والحب والرومنسية بطريقة تميل الى ترابط الاجساد فقط

ناسين انه الروح بحاجة لغذاء ذاتي

[السبيل]

ان السيدة مريم العذراء حينما كانت متزوجة (او مخطوبة) بشهادة النصارى من يوسف النجار وولدت السيد المسيح.. كان سنها 12 سنة فقط في حين كان يوسف النجار على مشارف التسعين من عمره.. حوالي(89).. يعني أكبر منها بحوالى77سنة.. وهذا الكلام موثق في الموسوعة الكاثوليكية...

http://www.newadvent.org/cathen/08504a.htm

" a respectable man to espouse Mary, then twelve to fourteen years of age, Joseph, who was at the time ninety years old "

http://www.cin.org/users/james/files/key2mary.htm

" Virgin Mary Delivers jesus Pbuh @ the age of 12

منقول
----------------------

كما أن النبي صلى الله عليه وسلم نتزوج عائشة رضي الله عنها ذات تسع سنين

يعني أحبتي ما ينفع نطلق الكلام ونعمم أنا قلت حالياً الزواج في بعض المجتمعات العربية غلط يكون مبكر أما عموماً فهو أفضل

مع مراعاة أن الجسم أصلاً يختلف حسب الأرض ففتاة الجزيرة العربية تختلف مرات ومرات عن فتاة آلاسكا.

_____________

هذا رأيي

أما رأيك رشا أنه بيدمر طموح الشباب فهذا كما قلت الغلط فينا نحنا يلي حاملين أفكار غلط عن الزواج وعن الحياة ككل.
يعني طموح الشباب من أي ناحية رح يتدمر آسف إذا كنت ما فهمت هي النقطة بشكل منيح أرجو أن تشرحيها بعض الشيء


أما الطلاق فهي مشكلة كبيرة يعني أنا بظن أني ما بحب أحكي فيها بدها موضوع مستقل لأنو أسبابه كتيرة ولأنو نسبته في ازدياد!

يعني بعض الشباب بيقضي عمرو في الأفلام الإباحية وبدو تكون زوجته (بورن ستار) وهاد مستحيل

أما عن الروح فهي هي من شب على شيء شاب عليه يعني

يعني هاد رأيي وإلي عودة
وشكراً على الرد

[ام الرور]

اول شي شاكرة مرورك ومشاركتك اخChArLoK_16

انا قلت اني ضد زواج مبكر مع اني في تناقد كمان مو ضده

ضده يلي صاير انه جيل الاباء غير جيل الابناء وسنة عن سنة دنيا عم تتغير كتير

في شباب وبنات كتير وعندهم طموحاتهم الكبير ة بس عم بيصير كبت كبير في نفوسهم


طبعا هالحكي مو بينطبق على الكل عشان ماتفهموني غلط

البنت كبرت اهلها العيون عليها خلاص لازم تتزوج مابيصير ومابعرف شو

لو عمرها مرء على فوق العشرينات هات لتفكير القديم

حتعنس طيب قبل ماتشوفوا حتعنس او لا ومابعرف شو شوفها هي

اسالوها هي شو بدها مش يمكن طموحها يكون غير يمكن بدها تكون شي بمستقبلها

انا ماعم بحكي عن ناس كلها عم بحكي عن فئة معينة

يعني انا ضده لانه في فئات من البنات انا مابحكي عن الكل بششكل عام بحكي عن جزء

وكل واحد واله رئيه زواج البنات المبكر,برأي: إن الزواج المبكر فيه ظلم كبيرللطرفين لأن شخصية الفتاة و فهمها للحياة

ومكوناتها الداخلية لم تكتمل بعد كما أن الزواج المبكر في أغلب حالاته سيكون عائقا أمام الفتاة لإكمال دراستهاو

بالتالي عدم تحقيق طموحاتها التي ستنضج بعد زواجها في فترة لاحقة

وحتى شباب من فترة سمعت انه بدول الخليج شاب بربيع عمره

حرق امه وابوه بسبب البطالة

حتى في شباب مو قادرين يكمله لانه مش عم يلاقوا يد المساعد ة ومتطلبات العصر ويلي مو عاجبه

ويلي بيتمرد على هيك وهيك الجيل بده كل شي يكون حاضر لاله بسهولة مابدوا يحس بتعب

وبعدين مامناخد الشي الحلو غير لندوق مراره لنقدر نحس بحلوه ؟

لهيك طبيعي تشوف الفجوه عم تكبر بين الشباب و الأباء كله عم يؤدى إلى خلل في العلاقه بينهما الأمر يلي عم

يؤدى إلى سوء التربيه و عدم تقبل الأبناء لأساليب الأباء في النصح مهما كانت إيجابيه و هذا ما يفسر إختلاف أخلاق

الجيل الحالي عن أخلاق و مباديء الجيل السابق الفاضله ؟

الزواج المبكر فهو كغيره من أمور و متطلبات الحياه له سلبيات و إيجابيات

وناس بتقبل سلبياته وناس بتقبل اجابياته؟

في شباب وبنات بسنهم الصغير متزوجين وبتلاقي سهولة لطلب الطلاق لاتفه الاسباب

ولانه ماعم يقدروها الحياة الزوجية بوعي كامل

وماعم يستوعبوا الامور بشكل عقلاني والغيرة بتعميهم عن اشيا كتير

يعني تفكيرهم مائل لطفولة لانهم ماكملوها بزواجهم المبكر

وفي منهم بيكملوها باطفالهم يلي عم يخلفوهم يلي راح عليهم بيعوضوا اولادهم الجيل القادم

يلي عم يختلف اكتر واكتر بارائهم وتواكبهم للعصر والمجتمعات المحيطة فيهم

وهلا مع زواج المبكر لفئة تانية من الشباب؟؟؟؟؟؟؟؟؟؟

بسبب تفشي الفاحشة فهي الشهوة الجنسية التي أوجدها الله في الطرفين لا بد من تفريغها فإن

لم تفرغ بطريق مشروع ستفرغ بطريق غير مشروع وهاد يلي لازم مايوصلوا الشباب الطريق غير المشروع

لما اي شب بيلاقي الدنيا سكرت بوشه ببلش لطريق الغير مشروع؟

بالاخر بقول ليس كل مايلمع ذهبا

اسفة لاطالة الرد وبرجع بقلكم ماعم بحكي عن الكل


طبعا مو كل ناس هيك والاصابع بتختلف عن بعضها بحكي عن يلي

شفته حواليي من اصدقاء او اقرباء من يي عايشته بالمحيط فيي

[السبيل]

أول شي أنا آسف إذا فهمتيني غلط أنا ما ألت أنك عم تتناقضي ولا شي

لا كلامك منطقي وجيل الأبناء غير جيل الآباء بس يعني أنا لما أتكلم أتلكم عن الأكثرية يلي هم يمثلون الأصل هي لازم نفهمها تمام يعني في بنات راغبات في الزواج وما تتزوج طول عمرها ويكون هذا الوضع أصلح لها كأن تكون مصلحة اجتماعية مثلاً

أما أنها تكمل دراستها فهذا ليس عيب في الزواج المبكر وإنما عيب في نظام التعليم !! هي هي الفكرة أنا قلتلك أنو أغلب أصدقائي من أعمار 19 وحتى 24 متزوجين وعندهم أولاد وهم كلهم طلبة في الجامعات ولا واحد حسيت أنو عندو مشكلة بالعكس (كلهم بيسأل إيمتى رح أتزوج )
أما بالنسبة لعدم فهم البنات والشباب أولاً للحياة والزواج والفراغ بين الآباء والأبناء فهذا من وجهة نظري مو غلط الجيل الثاني بل الأول يعني شو مشكلة البنت إذا كانت أمها أو أبوها أو مجتمعها بيعتبرها جاهلة وغبية؟ وما علموها أو على الأقل ما خلوها تنخرط في الحياة ؟؟؟؟ هي غلطة الآباء بس المصيبة توقع برأس الأبناء

كلامك كلو واقعي بس الحقيقة أنو هي هي مشكلتو يعني الواقع أصلاً غلط الشاب البطال في الخليج معو مصاري يتزوج بس لما يتزوج عم يطلق فوراً ليش؟ لأنو مفكر الزواج يجيب بنت علبيت ويكمل سهراته وحياته متل ما هي

أيعني يلي بدي قوله الزواج المبكر كفكرة في أصلها هي فكرة ممتازة بس الواقع الغلط هو يلي خلاها ما تتلائم أنا مع الزواج المبكر كفكرة وأنا مع من يمهد السبيل للزواج المبكر سواءاً مادياً ولا معنوياً ولا علمياً

بالنسبة للطموحات أنا رأيي كمان أنو في ناس عندها طموحات كبيرة أصلاً ما بيفكر بالزواج طول عمرو

الإمام النووي لما مات كان عمو حوالي الأربعين لما سألوه ليش ما تزوجت قال : نسيت!!!

بس هي حالات شاذة
والسلام عليكم

الموضوع جميل ويستحق بس نحنا نتناقش بهدوء لا حدا يزعل

ثانياً الرأي لا يعبر عن حقيقة وأنا بانتظار الرد

[ام الرور]

ChArLoK_16

بالعكس انا سعيدة كتير بهالنقاش لانه مهم جدا

بواقعنا يلي عايشينه وكله عبارة عن ابداا رائي بين الاعضاء


وانا بحترم كل الاراء ووجهات النظر

شاكرة مشاركتك بالنقاش كتير وسعيدة جدا لحضورك


تحياتي

[السبيل]

المهم أنو ما تفهمي دفاعي عن الزواج المبكر أني بدي أتزوج

........... لا أبداً ........... لا وألف لا :)

[aBo AlZoOoZ]

صديقتي رشا
للزواج المبكر ايجابياته..... وكذلك مليء بالسلبيات
في اعتقادي ان الإيجابيات متمثلة بتقليص الفارق الزمني بين الأب و أولاده
أي انهم سيكبرون سوية.... و أنا أفضل هذا الشيء....
و لكن.... من جهة أخرى:
فالزوج صغير العمر سيواجه واقعاً مختلف بكثير عما يعيشه
حيث أنه سينتقل من الطفولة او المراهقة الى الرشد..... و هو شيء صعب
و ستلقى عل عاتقه مسؤليات ربما هو غير قادر على تحملها.....
و خاصة أن الأجيال الجديدة أقل قوة ممن قبلها
و برأيي أن العمر الجيد للزواج( للرجل ) هو من 22-27
مشكورة صديقتي على الموضوع المميز و الذي هو فعلاً بحاجة الى النقاش
مشكورة رشا

[ام الرور]

ChArLoK_16

شاكرة مرورك مرة تانية مو مسالة افهم انك تتزوج او لا مسالة انه موضوع عايشين فيه بواقعنا

ومهم جدا لبنات وشباب كتيرين في ناس بتهتم وناس بتاخدوا عادي

سعيدة جدا بتواجدك واهتمامك لموضوع

تحياتي اخي

[ام الرور]

aBo AlZoOoZ

شاكرة مرورك ومشاركتك وابدا رائييك لشباب كمان


تحياتي بكل ود واحترام اخي

[دلوعة كندا]

يالله الزوااج المبكر....موضووع مهم للغاااااااااااايه بجد...


انا برأيي انووا الزواج المبكر...مشكلة المفروض تكون قديمة لانوا هلى تطورنا صار في وعي....صارت معرووفه نتاائج هالزوااج...وبحسه ظلم للبنت...كتتير مابتكوون بتفهم شي بالزوااج ابدا ولا شي..ولا بتعرف شو بتعمل ولا واجبها نحو زوجها...و ع فكرة لهلى في هالزواج منتشر بصورة مش طبيعية ب اليمن...لهلى عم يزوجو بناتهم بسن التاسعه ..تخيلوو!! عنجد شغله بتقشعر البدن...والنتائج السلبيه لهالزواج...انوا الولد ممكن يطلع معوق او فيه شي..ووممكن تؤدي للخلافات المتعدده بين الزوجين...يعني في كتتير شغلات...سلبيه..صحيح انوا الرسول تزوج من عائشة وعمرها بسن التاسعه بس انوا ماكان في وعي بهديك الفترة...ماكانو يعرفو النتائج السلبيه تبعيتوو...ا لمجتمع والناس والثقافات والتفكير اختلفت بين هلى وبين قبل...هلى صار هالزواج اله اكتر من مغزى...ممكن بخل ..خووف..جهل...يعني



ويسلموووووووا حبيبتي رشا عالموضوع الرائع جدا جدا

ان شالله تكون فكرتي ورايي وصل


يعطيكي الف عافية


اوروفوار

[ام الرور]

عليه افضل الصلاة والسلام وعلى اله وصحبه اجمعين

مشكورة مرورك دلوعة وابدا رئييك

واليمن انا شفت عروس مابيكمل عمرها 12 مو حرام هالشي

طفلة حتى سن مراهقة ماعرفته

الدنيا عم تتغير وتتغير دلوعة وكل جيل غير يلي قبله

وكله بيعيش بوقته صعب ياخد من جيل زمان

وصعب كمان جيل زمان ياخد من جيل هلاء

هلاء جيل طموحه كبير بيطلب وبيطلب متطلبات كتيرة


مع انه جيل بيربي جيل؟؟؟؟؟؟؟؟؟؟؟؟؟؟؟؟؟؟؟؟؟؟

وبدهم كل شي ع الجاهز متسرعين طبعا مابحكي عن الكل


يعني مواكبة عصر العولمة والنت هيك بقينا


في منهم مو منتبهين للمسؤلية يلي بتقع على عاتقهم

انهم كل جيل هو بيربي الجيل يلي بعده هو بينشئه

يا بيعطي ثمار ناجحة او فاشلة


تحياتي لمشاركتك وكتير كان بيهمني رئيك دلوعة الامورة

[السبيل]

رشا المشكلة أنو في ناس إذا شافو الواحد عم يدافع عن شي بيفكرو بدو هالشي يصير يعني


دلوعة أرجو ترجعي وتقرأي مشاركاتي أنا قلت أنو مريم انخطبت ليوسف النجار بعمر 12 سنة المشكلة إذا كانت بالبنت هي مشكلتها مو المشكلة بالزواج نفسه

يعني ولا تعملوا تكتلات أنتو التنتين نفس الرأي لا تتخذوا موقف الهجوم شوي شوي

وأتمنى يكون النقاش علمي شوي ونبعد العواطف

وأنا أقول إذا ألغيتم الزواج والشاب مشته من سن السادسة عشرة وحتى الرابعة والعشرين مثلاً أو ما فوقها بالله كيف يعيش؟

يعني يا إما افتحوا باب الزواج المبكر أو باب الدعارة وانتشاء العادة المسماة السرية بين الشباب أصلها كلو بسبب منعهم من الزواج

مع خالص تقديري

[ام الرور]

مو بالضروري هيك يفكروا اي شخص بيهموا هيك موضوع عادي يعني

وبتشكرك كتير لنقاشاتك ومشاركاتك بالموضوع

[شامية آدمية]

لك العين تسفؤ الجواز المبكر والمتأخر!
شغلة معتة بإمكان كل إنسان يستغني عنها,
معؤول حدا يحط كلبشة بإيدتينو برضاه؟!
أنا ما جربتو ولا رح جربو,
بس بشوف بعض الأهل والمعارف والجيران المتجوزين,
من الجنسين,
بيلعنوا الساعة يللي تجوزوا فيها!
صحي الجواز سنة,
لاكن في حدا إتبع جميع السنن, وما صفي غير الجواز؟!
لك بعض الفروض مو السنن عم نتركها! الله يغفرلنا.

[SYR]

الزواج سنه بسسسسسسس

ما بعرف شاميه


مو هيك الزواج حكم شرعي ونزل بالقران


شبك شاميه

[ام الرور]

شامية ادمية


سير


مشكورة منكم مشاركتكم ورائيكم



تحياتي

[السبيل]

أولا شامية بدك تصلي على النبي وإذا كان النقاش من ناحية دينية اسمحيلي قلك أنو غلط قولك الزواج سنة

الزواج ممكن يكون فرض لمن خاف الفتنة أو سنة لمن لا يشتهي أو حتى حرام لمن أيقن أنه سيظلم امرأته أو كان لا يقدر على القيام بحقوقها

بعدين كلمة كل السنن عم نطبقها هي مو حجة يعني إذا كل واحد بيقول يا بدي طبق كل شي يا ما بدي طبق شي ما حدا رح يسوي شي!

ومتل ما قال سير الزواج حكم شرعي يعني ممكن يكون (مرة تانية) حلال مباح أو حرام

وإذا كانوا يا أختي عم يلعنوا الساعة يلي تزوجوا فيها طيب هي المشكلة من الزواج ؟ أم منهم أنفسهم

يقول علي الطنطاوي بعد أن قال له أحد الشبان مثل ما قلتيه "وهل العشرة من إخوانك الذين سألتهم هم الناس؟ وإذا كانوا هم في تعب وعناء كان المتزوجون كلهم كذلك وكان الزواج وجع رأس وتعب دماغ؟ ولماذا سألتهم ولم تسألني أنا؟ إني أعرف منهم وإذا كان الرجل الذييحضر خمسة مجالس عائلية ليفصل فيها بين الزوجين المختلفين يعد نفسه خبيرا فأنا قد حضرت في المحكمة أكثر من ثلاثين ألف جلسة سمعت فيها من كلا الزوجين" ثم بعد ذلك يقول ما معناه "لا يمكن أن تكون حياة الزوجين متصليه كليلة من ليالي جميل وبثينة! بل هناك خلافات ومشاكل وهي ملح الحياة ولا طعم للحياة بدونها"

وفي قصة أبي ريحانة رضي الله عنه أنه قال كل الليل فجاءت زوجته بعد الفجر فقالت لم تذكرنا يعني تخيلوا يا جماعة وحدة عم تسأل زوجها ليش آعد لحالك يعني متعودين على الصراحة والقرارات المشتركة والأحلى من هيك أنو أبو ريحانة بيعتذر منها وبيقول: شغلني ما ذكرت من نعيم أهل الجنة ولو ذكرتني لأتيت

والنبي صلى الله عليه وسلم كان في حاجة أهله وكان يخصف نعله يعني بيخيط ثيابه وبيعاون زوجته


هذا برأيي مو بس زواج هذي جنة الأرض ونعيم الدنيا

انتظر الردود وجزاكم الله خيراً

[شامية آدمية]

أخي شرلوك, الزواج سنة بلا جدال,
ولو أنه كان فرضاً أو حتى سنة مؤكدة لكان الإمام النووي تزوج,
وهو الذي يسمى بالشافعي الصغير.
أما قول علي الطنطاوي إن الخلافات لا طعم للحياة بدونها
فليس حجة,
ولا أدري كيف تكون الحياة لا طعم لها بدون الخلافات!
وهل ثمة شيء يؤدي إلى الخلع أو الطلاق غير الخلافات؟!

[king]

الزواج جيد بس مو على الاعمار الي عم تحكوا عنها وزمن اول غير يعني كان اول البنت بعمر ال14 تكون امراة ناضجة

جسدا وعقلا ولكن بهل الايام البنات بدهم لبعد سن العشرين حتى ينضجوا ونفس الشي للشباب احد الصحابة

كان عمره 17 سنة وكان قائد لجيش المسلمين وكان وراه الاف الصحابة ضمن الجيش و منهم من اكبر منه سناً

وبهل اليومين الشب لبعد سن 22 وممكن اكثر لحتى ينضج وطبعا هي مش قواعد ثابتة للعمر لانه في ناس تدخل

معترك الحياة بكير وبسن مبكر يكون عندهم خبرة جيدة بالحياة . بس بمعدل وسطي ربما سن الزواج الانسب للشباب

ابتداءاء من حوالي الـ 24 وللبنات حوالي العشرين .

اما الاخت شامية فنظرتك السوداوية تخيم دائما على كلامك واذا بدنا نضرب المثل بأحد مافي احسن من رسولنا

الكريم محمد صلى الله عليه وسلم ، اما انه نستشهد بحالة فردية لبعض الاشخاص مهما وصلوا فهو ليس دليل

على سوء الزواج. انا عارف انها وجهة نظرك شخصية وانتي عندك زاوية محددة لرؤية الرجل والزواج وهي معتمة دائما

ولكن هيك الحياة فهي مزيج اضداد ومو كل شي بالحياة حلو ومثل مافي ايام الحلوة في ايام الصعبة ولكن بالحب

والاحترام المتبادل للزوجين راح تتشكل نواة المجتمع الصالح وخليته الاساسية الي هي الاسرة الصغيرة


شكرا على موضوعك اخت رشا

تقبلوا تحياتي

[ام الرور]

king

منور اخي وبشكر مرورك الكريم ومشاركتك اللطيفة


اهلا اخت شامية مرة تانية وبمشاركت اللطيفة

[ام الرور]

ChArLoK_16

وانا بهي نقطة معك اخي انه يمكن والله اعلم انه يكون فرض لسبب ؟؟؟؟؟؟؟؟

والا ماكان يكمل الدين الافيه

يعنى لو فى حدا مو ناوى يتزوج

شو حيعيش طول عمره مو كامل الدين بيقولوا الزواج نصف الدين

ولو مو فرض ماكن الاسلام حرم الرهبانيه

وماكن حلل اكثر من زوجة اذا اضطر الامر لوجود زوجة اخرى لاسباب معروفة اكيد الكل بيعرفها؟

ولولا الزواج ماكانت انبنت الارض ولا ذكر اسم الله

قال الله عز وجل (( وما خلقت الانس والجن الا ليعبدون ))

امامن ناحية المشاكل فهي سنة الكون والحياة وملح الحياة

يعنى لو الكون كله ذكور ومافي ايناث

يعني ماراح يكون في مشاكل ولا شو

المشاكل صادرة منا كنفس بشرية وهي النفس اللوامة فينا

والزواج والمشاكل كلها من عدم اختيارنا الصحيح

من جهة الطرفين اما اختيار الشاب يلي مابيقدر يتحمل مسؤلية ومابيعرف شو المسؤليية

بس بمجرد يختار ليكتفي لاشباع رغبته ونفسه وينسى انه على عاتق مسؤلية كبيرة

وبناء لجيل قادم ؟؟؟؟؟؟ وكل هاد بالاخر بيطلع سوء تفاهم ومعاشرة نتيجة عدم المسؤليية او ادراكها


الا اذا طبق السنة النبوية المطهرة

عن قول سيدنا محمد عليه افضل الصلاة واتم التسليم

^^^^^^ (( اظفر بذات الدين تربت يداك )) ^^^^^^^^^^^^

و قالكمان^^^^ (( لو جاكم من ترون دينه وخلقه فزوجه )) ^^^^^^^^^^


مشاكل كتيرة طلب مادي كبير من مهر ولا متطلبات

وهاد كله صاير بقا ازدياد بالعنوسة


وشباب وبنات كتير وصارت ظاهرة منتشرة وهو زواج السر او المعرف باسم الزواج العرفي

كل هاد من البعد عن الدين البعد عن الله

شو ذنب الاطفال يلي مالهم نسب مجهولين بسبب غلطة لحظة شيطان

بين شاب وبنت بعد عن الله فالحب لله وحده خالص

الزواج امان ونعمة من ربنا حماية من الامراض السارية يلي عم نسمعها بسبب طيش الجاهلين

والراكضين ورا شهواتهم مابيلاقوا مين يساعدهم بيروح لطريق

الغلط الانحراف ليطفوا غريزة او شهوات مكبوتة عندهم اسفة لتعبير يلي قولته


الزواج نعمة وحماية للمراءة والرجل


اسفة للاطالة بالرد

[شامية آدمية]

أخي كينچ, أنا نظرتي واقعية وليست سوداوية كما وصفتها ولا معتمة!
الزواج مثل حبة البطيخ, لا تدري أهي حمراء أو بيضاء
إلا بعد أن تشتريها وتكسرها,
فلماذا المغامرة في أمر مجهول من أجل قضاء الوطر لا أكثر ولا أقل؟!

[السبيل]

لا يا أختي شامية

أولا السلام عليكم

ثانياً أنا قلت وارجعي إلى ما قلت أن الزواج فرض أو سنة أو حتى حرام والإمام النووي لم يتزوج ولا شيخ الإسلام ابن تيمية ولا الإمام الشافعي في بعض الروايات ولو أن الأصح أنه فعل
المهم أنهم لم يتزوجوا لأن الزواج بالنسبة لهم مكروه فالظاهر لاشتغال هؤلاء بالتدريس والجهاد أنهم لن والله تعالى أعلم يؤدوا حقوق الزوجة

أما أن الزواج مجهول فهذا لأن الفتاة المجهولة تتزوج من الفتى المجهول!!!

النبي صلى الله عليه وسلم كان يخطب لأصحابه يعني شو بدك أكتر من هيك مزية

أنتي ضد الزواج أصلاً وهذا غير جائز

الله تعالى قال في سورة النور "وأنكحوا الأيامى منكم والصالحين من عبادكم وإمائكم إن يكونوا فقراء يغنهم الله بفضله والله واسع عليم " 32

يعني تخيلي الرجل يزوج جاريته وفتاه أي حضارة هذه وأي تشريع عظيم

أما عن الخلافات فالخلافات نوعان:
خلافات لا بد منها ولا مهرب: ولو كان منها مهرب لما اختلف النبي صلى الله عليه وسلم مع نساءه
وخلافات هدامة: وهي قد تكون من الطرفين كأن يعشق الرجل فتاة غير زوجته وهذه مصيبة أو كأن يكفرها (مرض التكفر مستشري) لمعصية وهذا لا يجوز أصلاً

أما الخلافات التافهة (ليش مكترة ملح، ليش شغلتي المروحة، ) وإلى آخر ذلك الهراء والغثاء الذي لا طائل وراءه فهذا سببه رداءة الزوج لا الزواج

أنا الظاهر لي واعذريني أنك ما زبط معك الزواج فقام قلتي العلة فيه ليس في الفشلة الذين زرعوا في نفسك هذه القاعدة واعذري جرأتي

أخي كينغ مشاركتك أكثر من قيمة ولكن نحن نتكلم عن الزواج المبكر ولم يذكر أحد الزواج المبكر في هذا الزمن فلا بد من التفريق وكلامك كان رائعاً (وإن ما زلت أخالفه)

أختي رشا أيضاً مشاركتك كانت رائعة مع تنبيه أن الإسلام لم يحرم الرهبانية بل كرهها ومن قدر عليها ولم يفوت أي حق وأمن الفتنة أثيب عليها أما قوله إذا أتاكم .. الحديث فهذا الحديث رواه النسائي من طرق ثلاثة وجميعها ضعيفة يعني الحديث ضعيف لكن معناه صحيح والله تعالى أعلم
تخريج الحديث وتحقيقه
http://www.otiby.net/makalat/articles.php?id=239

أما قول الأخت شامية الثاني أن نظرتها واقعية فهذا ليس صحيحاً على العموم لأنها لم تعش الواقع ككل بل عاشت واقعها هي أو واقع من شاهدتهم يعيشونه فلهذا (ومعك حق أن أكثر الأزواج على خلاف) ولكن ما سبب هذا الخلاف؟

السبب أنت نفسك ذكرتيه في مشاركتك يعني إذا كان الشاب أو الفتاة يتزوجان لقضاء الوطر فهذا زواج فااااااااااااااشل أقولها وأكتبها بخط الثلث

يعني ما يمنع بعد سنين إذا ذهبت نضارتها أو نضارته أن يخونها أو تخونه؟ لأن السبب في الأصل هذا هو!

الموضوع بحاجة إلى نقاش بس المهم ما حد ياخدها مسألة شخصية ويثير خلافات شخصية آرائكم جميعاً مهمة ومفيدة ولي عودة والسلام عليكم

[king]

أين نظرتك الواقعية اختي شامية هل تريديني ان أخذ بنظرتك أم بكلام الله ورسوله فلا أعتقد

بانه هناك كلام بعد اياته عزوجل والا لما شرع تعالى الزواج ولما خلق الذكر والانثى هل معقول ان تكون الحكمة هي

عملية قضاء وطر لاأكثر ولا أقل كما تقولين. وهل والداكي وكل الازواج متزوجين لقضاء الوطر وحسب !!! فما معنى

قوله تعالى (ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة) فالقاعدة الأساسية

السكون النفسي وسكون كل واحد إلى الآخر، وقيام المودة ، وقوله تعالى (أحل لكم ليلة الصيام الرفث إلى نسائكم

هن لباس لكم وأنتم لباس لهن) أي حاجة الرجل إلى المرأة وحاجة المرأة إلى الرجل كحاجتهم إلى اللباس والثوب الذي

يحقق له الستر والزينة والوقاية والقرب والدفء فالزواج عقد مبارك من الله سبحانه وتعالى لمصالح عباده ومنافعهم،

تنال به المقاصد الحسنة والغايات الشريفة، ويحفظ به الذرية والنسل، ويعف من خلاله عما حرّم الله

أما الإعراض عن الزواج "لا رهبانية في الإسلام" ولما سمع النبي عليه الصلاة والسلام بعض الصحابة الذين سألوا عن

عبادة النبي صلى الله عليه وسلم فوجدوه عليه الصلاة والسلام يقوم بعض الليل وينام بعض الليل، ويصوم بعض الأيام

ويفطر بعض الأيام فكأنهم تقالّوا هذه العبادة، وقالوا: أين نحن من رسول الله، رسول الله غفر الله له ما تقدم من ذنبه ...

فواحد قال: أنا أقول الليل فلا أنام أبداً، والثاني قال: أنا أصوم الدهر فلا أفطر أبداً، والثالث قال: وأنا أعتزل النساء فلا

أتزوج أبداً، فالنبي صلى الله عليه وسلم أنكر عليهم، فقام وخطب في الناس وقال: "أنا أخشاكم لله وأتقاكم له ولكني

أقوم وأنام، وأصوم وأفطر، وأتزوج النساء، فمن رغب عن سنتي فليس مني"

[السبيل]

أخي مشاركاتك هامة ولكني أقترح على الأخت شامية إن أحبت أن تفتتحوا موضوع آخر يعني هنا نناقش مسألة الزواج المبكر وكأننا انتهينا من مسألة الزواج فدعونا نركز على مسألة واحدة كيلا تتفرق بنى السبل (تعدد الزوجات، العلاقات المحرمة، الزواج بأصله ...)
خلي هاد الموضوع فقط للزواج المبكر ودعونا نناقش المسائل الباقية في مواضيع منفصلة حتى نسهل على نفسنا عملية النقاش لأنني في الحقيقة بدأت أضيع

[ام الرور]

إن الإسلام يدعو إلى الزواج المبكر فليس هناك دليل أصدق

من حديث رسول الله صلى الله عليه وسلم

( يا معشر الشباب من استطاع منكم الباءة فليتزوج ،

فإنه أغض للبصر وأحصن للفرج ومن لم يستطع فليه بالصوم فإنه له وجاء)



ولنا عبرة في قصة المرأة التي زوّجها أبوها وهي كارهة

فجاءت إلى النبي صلى الله عليه وسلم وأخبرته بأن


أباها يريد إكراهها على الزواج ، فخيّرها بين إمضاء الزواج أو إلغائه


. وهنا قالت المرأة:" قبلت اختيار أبي ، ولكنّي أردت تعليم النساء حقهن في الاختيار."



فالاختيار يجب أن يكون مبنياً على الأسس التي


وضعها الإسلام (إذا أتاكم من ترضون دينه وأمانته فزوجوه)


وكما يرى الرجل المرأة فللمرأة أن تراه ولها الحق في الموافقة أو عدمها.





أما حكاية تأخير الزواج حتى ينضج الشباب فلا بد من


القول أن شبابنا هذه الأيام لا ينضج في سن مبكر،


لأننا لم نعتن بتربيته التربية الإسلامية فهو إما مشغول


بسيارته ، أو بباروكته أو مشغول برحلاته ومغامراته الغرامية في بلاد العالم









هذا الشباب لا ينضج أبداً بل لا يصلح للزواج.أما الشباب
الذي ينضج مبكراً ولم نعلم أنه كان يعاني من مشكلة اجتماعية
اسمها الزواج المبكر ، هذا الشباب الذي وعى الإسلام حتى
استطاع الرسول صلى الله عليه وسلم أن يولّي أسامة بن زيد وهو
في السابعة عشر من عمره جيش المسلمين إلى الروم
وفيه أبو بكر وعمر رضي الله عنهما. ..الشباب المسلم
الذي ظهر منهم محمد بن القاسم الذي فتح السند وهو في الثامنة عشرة ،
ومحمد الفاتح الذي حطّم الإمبراطورية البيزنطية وفتح القسطنطينية ولم يتجاوز الرابعة والعشرين.


البروفيسور هاردن أستاذ علم النفس في جامعة هارفارد يقول :
" إن الزواج المبكر لا يضر كما يعتقد البعض وخاصة بين طلاب وطالبات الجامعة،
إن الظاهرة التي يشاهدها الناس في الجامعات هي ظاهرة طبيعية ومفيدة ،
فالطالب المتزوج يدرك قيمة مستقبله."

وما دمنا قد قررنا أن الإسلام يحث على الزواج المبكر بل
تتخذ الدولة الإسلامية كافة الوسائل لتحقيق ذلك ، فلنر واقع الإسلام
أيام عمر بن الخطاب رضي الله عنه حين أرسل منادياً يعلن للناس( من أراد أن يستعف فإنا سوف نساعده على ذلك) وهناك حديث شريف يقول فيه الرسول صلى الله عليه وسلم
( من ولي لنا أمراً ولم يكن له زوجة زوجناه) .
ولـمّا كان الزواج مطلباً أساسياً لا يتأخر عنه القادر عليه إلاّ لسبب ،
فإن عمر بن الخطاب رضي الله عنه لما رأى رجلاً قوياً لم يتزوج قال
( إن هذا لم يتزوج إما لفقر أو لمعصية) فما بالنا نرفض الزواج المبكر هكذا

والغريب في الأمر أن ينتشر في مجتمعنا تلك الظاهرة الخطيرة
وهي رفض المرأة أن تعيش مع والدي زوجها،وكذلك رفض الوالدين
تزويج ابنهما حتى يصبح قادراً على تكاليف الزواج ، فهل نسي
الأب أنه حين بلغ السابعة عشرة أو الثامنة عشرة كيف كان يلح
عليه أبوه أن يزوجه وقد عاش هو مع والديه. وما معنى أن يصبح الابن قادراً على تكاليف الزواج وهو لا بد أن ينهي دراسته الجامعية وفرص العمل قد لا تتوفر كثيراً في هذه السن أو أن الدراسة لا تسمح بالعمل ..هلاّ قرأنا تاريخنا الإسلامي لنعلم كيف عامل الآباء أبناءهم ، كيف أعطى اكثر من صحابي أبناءهم بيوتاً ، وتذكر كتب التاريخ أن سعد بن أبي وقاص رضي الله عنه تصدق على ابنه بدار، وتصدق آخر على ابنه بدار وهكذا.

أما النفور من والدي الزوج فإنه لأمر خطير ، ولا يمكن إصلاحه إلاّ بتربية بناتنا تربية إسلامية ، وإقناعهن بأن الزواج المبكر إنما هو عصمة لهن ولأزواجهن من الانحراف ، وأن العيش في بيت والد الزوج ليس مصيبة ، بل إنه أفضل بكثير من البقاء بدون زواج ، وإن لم يكن ذلك فما بال الآباء يبخلون على أبنائهم بمسكن طيب فإنها صدقة وقربة ، وفقنا الله جميعاً إلى ما يحبه ويرضاه.

[السبيل]

مو معقول يا رشا تكوني إنتي يلي كاتبتيها يعني هي المشاركة بالذات تكتب بماء الذهب

بس أنا قلت أنو حديث إذا أتاكم لا يصح راجعي ردودي في هذا الموضوع
وأنا أذكر ان أسامة بن زيد كان عمره 19 على كل هي مو مهمة كلهم سنتين

أما حديث من استطاع منكم الباءة فاليتزوج فهو رائع جداً في هذا المقام

يعني شامية اعترضت على الذين يتزوجون فقط لقضاء الوطر مع أن قضاء الوطر في الحلال حتى مع رجل أو امرأة يكرهها خير ألف مرة من قضاءه في الحرام

يقول ابن عمر رضي الله تعالى عنه: "ائتوا ما أمركم الله تعالى من التزويج يمدكم بما وعدكم به من الرزق" -بالمعنى-
يشير إلى قوله تعالى
"وأنكحوا الأيامى منكم والصالحين من عبادكم وإمائكم إن يكونوا فقراء يغنهم الله بفضله والله واسع عليم " النور 32

[SYR]

عنجد روعه المناقشه شكرا الكم ايه هيك بدي ياكم كملو كملو

[السبيل]

عنجد روعه المناقشه شكرا الكم ايه هيك بدي ياكم كملو كملو

سير طالما عجبتك الردود بكرة نازل أخطبلك بس أنت كتبيلي ليست بالأوصاف والمميزات الفنية والتعبوية ولا يهمك

[ام الرور]

ChArLoK_16

SYR

شاكرة مشاركتكم الحلوة


ياخ مو معقول كله من عندي كاتباه طبعا


بس انا بهتم بهيك مواضيع ومقالاتهم لانه واقع عايشين

لذلك بتلاقيني بتابع مقالات وبقراء كتب كتير يعني فيك تقول هواية عندي بقا

اني اجمع واقراء مقالات واخده منهم يلي بيهمني يعني المفيد فيهم

مشكورة مرة اخرى

[السبيل]

ممتاز بارك الله فيك

[ام الرور]

شاكرة مرورك الكريم